केही दिनको स्थिरतापछि बढ्यो सुनको मूल्य, कति पुग्यो?

काठमाडौं । केही दिनको स्थिरता पछि आज सुन तथा चाँदीको मूल्यमा बृद्दि भएको छ । आइतवार प्रतितोला छापावाला सुनको मूल्य ७१ हजार ६ सय रहेको थियो ।

तर आज सुन तोलामा ३ सयले बृद्धि भइ प्रतितोला सुनको मूल्य ७१ हजार ९ सय कायम भइ कारोबार भइरहेको नेपाल सुन चाँदी व्यबसायी महासंघले जनाएको छ । त्यस्तै आज तेजावी सुनको मूल्य ७१ हजार ३ सय रहेको छ ।

साथै आज चाँदीको मूल्यमा पनि ५ रुपैयाँले बृद्धि भएको छ । आइतवार प्रतितोला चाँदीको मूल्य ८ सय ५५ रहेको थियो । आज मूल्यमा बृद्धि भइ प्रतितोला चाँदी ८ सय ६० मा कारोबार भइरहेको पनि महासंघले जनाएको छ ।