काठमाडौं । चितवनको भरतपुरमा घर जग्गा तथा सजावट एवं फर्निसिङ सम्बन्धी मेला हुन लागेको छ । माघको दोस्रो साता पहिलो पटक अन्तराष्ट्रिय किसिमका दुई एक्पो हुन लागेका हो । ए एस इभेन्ट एण्ड मार्केटिङ प्रालि तथा इभेन्ट सलुसन प्रालिको संयुक्त आयोजनामा एक्स्पो हुन लागेको हो । उक्त मेलामा नेपाल ल्याण्ड, हाउजिङ एण्ड कन्ट्रक्सन एक्स्पोसँगै फर्निचर एण्ड होम डेकोरसम्बन्धी एक्स्पो हुन लागेको हो । नेपाली समाज पछिल्लो समय विलासितामा रमाउँदै गइरहेको बेलामा फर्निचर तथा सजावटका सामान एकै ठाँउबाट सर्वसाधारण मार्फत पुर्याउन लागिएको आयोजकले जनाएका छन् ।
त्यस्तै त्यतिमात्र नभएर घर जग्गा कारोबार तथा निर्माणमा आधुनिक एवं गुणस्तरियता बढाउने उदेश्यले उक्त मेला आयोजना गरिएको ए एस इभेन्ट एण्ड मार्केटिङ प्रालिले जनाएको छ । साथै घरको जग निर्माण देखि अन्तिम सजावटका सामानहरु समेत एकै ठाँउमा उपलब्ध हुने विश्वास आयोजकले लिएको छ ।
त्यसबाट सर्वसाधारण देखि लिएर व्यवसायी तथा सबै पक्षहरु समेत लाभको भगिदार हुने आयोजक संस्थाको दावी रहेको छ ।
माघ ८ गतेदेखी ११ गतेसम्म भरतपुर महानगरपालिका वडा नं १० स्थित चितवन प्रर्दशनी स्थलमा उक्त मेला आयोजना हुनेछ । भने करिब २० हजार मानिसहरुले अवलोकन गर्ने अपेक्षा रहेको आयोजकले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया