रौतहटमा शंकास्पद वस्तु फेला, सेनाको डिस्पोजल टोली जाँदै

काठमाडौं । रौतहटको इशनाथ नगरपालिकाको कार्यालय परिसरमा शंकास्पद वस्तु फेला परेको छ।

आज विहान कार्यालय परिसरमा उक्त वस्तु फेला परेको प्रहरीले जनाएको छ ।

नगरपालिकाको प्रांगणमा खेल्न गएका बच्चाहरूले शंकास्पद वस्तु देखेपछि अभिभावकलाई जानकारी गराएका थिए । त्यसपछि स्थानीयले प्रहरीलाई खबर गरेका थिए ।

शंकास्पद वस्तु फेला परेपछि प्रहरीले सुरक्षा अवस्था कडा बनाएको छ । घटनास्थलमा अहिले नेपाली सेनाको डिस्पोजल टोली जाँदै गरेको जिल्ला प्रहरी कार्यालय रौतहटले जनाएको छ ।