‘चपली गर्ल’ बिनिता बराल बनिन् आमा, छोरीको नाम राखिन्–काया

काठमाडौँ । फिल्म चपली हाइटकी नायिका बिनिता बराल आमा बनेकी छिन् । हाल अमेरिकामा बसोबास गर्दै आएकी उनले मंगलबार छोरीको जन्म दिएकी हुन् ।
चपली गर्लका रुपमा परिचित नायिका बिनिताले सामाजिक सञ्जालमार्फत मंगलबार आफूले छोरीको जन्म दिएको उल्लेख गरेकी छिन् । छोरीको तस्बिरसहित उनले सामाजिक सञ्जालमा दैनिकी फेरिएको आशयसहित फन्नी स्टाटस लेखेकी छिन् ।
उनले यसअघि नै गर्भवती भएको र छोरी जन्मिन लागेको सार्वजनिक गरेकी थिइन् । उनले अमेरिकामै बस्दै आएका तिलक पौडेलसँग बिहे गरेकी थिइन् ।
स्मरण रहोस् लेखक समेत रहेकी उनको चपल हाइट फिल्म हिट भएपनि अन्य फिल्म नचलेपछि पलायन भएकी हुन् ।