सुन चाँदीको मूल्य अहिलेसम्मकै उच्च, तोलामा कति पुग्यो?

काठमाडौं । नेपाली बजारमा आज सुन तथा चाँदीको मूल्य अहिलेसम्मकै उच्च रहेको छ । बिहीवार प्रतितोला छापावाला सुनको मूल्य ७२ हजार ८ सय रहेको थियो । तर आज तोलामा एकै पटक ५ सयले बृद्धि भई प्रतितोला सुन ७३ हजार ३ सय रहेको नेपाल सुन चाँदी व्यवसायी महासंघले जनाएको छ । त्यस्तै आज तेजावी सुनको मूल्य ७३ हजार रहेको छ ।

तर आज चाँदीको मूल्य भने स्थिर भए पनि उच्च रहेको छ । बिहीबार प्रतितोला चाँदीको मूल्य ८ सय ९० रहेको थियो । त्यस्तै आज पनि त्यहि मूल्य कायम भइ कारोबार भइरहेको पनि महासंघले जनाएको छ ।