प्रिमियर लिग फुटबल : म्यानचेस्टरको जितमा न्युकासल स्तब्ध

एजेन्सी । इन्ग्लिश प्रिमियर लिग फुटबलमा म्यानचेस्टर युनाइटेडले सहज जित हात पारेको छ ।

बिहिबार राति भएको खेलमा युनाइटेडले न्युकासल युनाइटेडलाई ४-१ गोल अन्तरले पराजित गरेको हो । घरेलु मैदानमा युनाइटेडले जित निकालेको हो ।

खेलको १७ औं मिनेटमा माथ्यु लङस्टाफले गोल गर्दै न्युकासललाई अग्रता दिलाएका थिए । तर, २४ औं मिनेटमा एन्थोनी मार्सियलले गोल गर्दै युनाइटेडलाई खेलमा फर्काए ।

३६ औं मिनेटमा मासोन ग्रीनउडले गोल गर्दै युनाइटेडलाई २-१ को अग्रता दिलाए । ४१ औं मिनेटमा मार्कोस राष्फोर्डले गोल गर्दा युनाइटेडको अग्रता ३-१ को बन्यो । त्यसपछि खेलको ८१ औं मिनेटमा मार्सियलले व्यक्तिगत दोस्रो गोल गर्दै युनाइटेडलाई ४-१ को जित दिलाए ।

जितसँगै युनाइटेडले १९ खेलमा २८ अंक जोडेको छ । युनाइटेड लिगको सातौं स्थानमा रहेको छ । २५ अंक जोडेको न्युकासल दशौँ स्थानमा रहेको छ ।