मकवानपुरमा जीप दुर्घटना : ३ को मृत्यु, ६ जना घाइते

काठमाडौं । मकवानपुरमा जीप दुर्घटना हुँदा ३ जनाको मृत्यु भएको छ ।

हेटौंडाबाट काठमाडौं आउँदै गरेको ना१ज ३४३३ नम्बरको जीप हेटौंडा-कुलेखानी-सिस्नेरी सडक खण्ड अन्तर्गत इन्द्रसरोवर गाउँपालिका-३ स्थित रामचन्द्र भञ्ज्याङमा दुर्घटनामा भएको हो ।

दुर्घटनामा ६ जना घाइते भएका छन् । मृतकको पहिचान खुल्न सकेको छैन । मृतक मध्ये १ जना महिला र २ जना पुरुष रहेको प्रहरीले जनाएको छ ।

जीपका चालक समेत घाइते भएका छन् । घाइतेहरुको उद्धार गरी मनमोहन मेमोरियल अस्पताल फर्पिङमा उपचारको लागि लगिएको प्रहरीले जनाएको छ ।
दुर्घटनाको खुल्न सकेको छैन ।प्रहरीका अनुसार घटनाबारे अनुसन्धान भइरहेको छ ।