काठमाडौं । आज मिति २०७६ साल पुष महिनाको १२ गते शनिबार । इस्वी संवत २०१९ डिसेम्बर २८ तारिक । शकसंवत् १९४१ । परिधावी संवत्सर । दक्षिणायन । हेमन्त ऋतु । नेपाल संवत ११४० थिंलागा । पौष शुक्लपक्ष । तिथी– २७ द्वितीया,९ बजेर ५१ मिनेट उप्रान्त तृतीया । नक्षत्र– उत्तराषाढा,१९ बजे उप्रान्त श्रवण । योग– व्याघात,२१ बजेर १५ मिनेट उप्रान्त हर्षण । करण– कौलव,१० बजेर ५१ मिनेट उप्रान्त तैतिल,२३ बजेर १५ मिनेट उप्रान्त । आनन्दादिमा राक्षस योग । चन्द्रराशि–मकर । काठमाडौंमा सूर्योदय ६ बजेर ५४ मिनेटमा, सूर्यास्त १७ बजेर १५ मिनेटमा । दिनमान २५ घडी ५१ पला ।
मेष (चू,चे,चो,ला,लि,लू,ले,लो,अ) : राज्यभावमा गोचर गर्ने शुभ चन्द्रमाले राज्यको मेकानिजम भित्र बसेर गरिने कामबाट मनग्गे फाइदा हुनेछ । कृतिमानी काम गरी नाम तथा ईज्जत प्रतिष्ठा कमाउन सकिनेछ । नयाँ काम पाउने तथा बढुवा हुने योग रहेको छ । व्यापारबाट मनग्गे लाभ हुनेछ भने कृषि तथा पशुपालन व्यवसाय फस्टाएर जानेछ । पढाइलेखाइमा मन जानेछ भने प्रेमको डोरी कसिलो भएर जानेछ ।
वृष (ई,ऊ,ए,ओ,वा,वी,वू,वे,वो) : शिक्षामा अलि बढी समय लगानी गर्दा मात्र नतिजा हात पार्न सकिनेछ । लामो दुरीको धार्मिक तथा शैक्षिक यात्रा भएपनि बाटोमा दु:ख हुन सक्छ । व्यापार व्यवसायमा प्रशस्त समय दिएमात्र आम्दानि हुनेछ । घर, परिवार तथा आफन्तको विश्वास गर्दा धोका पाइनेछ । माया प्रेममा विश्वासघात हुने सम्भावना रहेको छ, ध्यान दिनुहोला । स्वास्थ्य सम्बन्धि समस्या आउनाले दैनिक कामहरु प्रभावित हुनेछन् ।
मिथुन (का,की,कू,घ,ङ,छ,के,को,हा) : व्यापारमा लगानी गरेपनि तत्काल फाइदा हुने छैन । आफ्नो काममा भन्दा पनि अरुकै काममा समय व्यतित हुनेछ । महत्वकांक्षी योजनाहरु पुरा गर्न निकै संघर्ष गर्नुपर्नेछ । आफन्त तथा घरपरिवारका सदस्यहरुसँग राय बाजिनेछ । माया प्रेममा धोका तथा विश्वासघात हुनेछ । पढाइलेखाइमा मन नजाँदा अरुभन्दा पछि परिनेछ ।
कर्कट (ही,हू,हे,हो,डा,डी,डु,डे,डो) : व्यापारको सिलसिलामा लामो दुरीको यात्राको अधिक सम्भावना रहेको छ भने व्यवसायमा लगानी गरी प्रशस्त नाफा कमाउन सकिनेछ । भौतिक साधनहरु जुट्नेछन् प्रविधिको प्रयोग मार्फत मनग्गे धन आर्जन गर्न सकिनेछ । अध्ययन, लेखन, कलासाहित्य तथा गीतसंगीतमा चासो बढ्नेछ भने तपाईको प्रतिभाको उच्च कदर हुँनेछ । प्रेम सम्बन्धमा विश्वासको वातावरण बढ्ने तथा दाम्पत्य जीवन सुमधुर बन्नेछ भने जीवनसाथीको सहयोगले राम्रा काम गर्न सकिनेछ ।
सिंह (मा,मी,मू,मे,मो,टा,टी,टू,टे) : न्यायिक निर्णयहरु आफ्नो पक्षमा पार्न सकिनेछ, भने शत्रु परास्त हुनेछन् । विद्या तथा प्रतिस्पर्धामा तपाईको नाम अग्र स्थानमा आउनेछ । प्रेममा रमाउन चाहनेहरुका लागि समयले साथ दिनेछ । व्यापारमा लगानी गरी दिगो फाइदा हुने कार्य आरम्भ गर्न सकिनेछ । पुराना थाती रहेका कामहरु सम्पादन हुनेछन् ।
कन्या (टो,पा,पी,पू,ष,ण,ठ,पे,पो) : अध्ययनमा आजको दिन मन नजाँदा नतिजा अरुकै पोल्टोमा पर्नेछ । मन परेको मानिससँग मनमुटाव बढ्ने योग रहेको छ । व्यापार व्यवसायमा लगानी गर्नको लागि केहि समय पर्खनुहोला । खानपानमा ध्यान दिनुहोला स्वास्थ्यमा समस्या आउन सक्छ । अरुको भर पर्नाले अवसर गुम्नेछ । भौतिक सम्पत्ति तथा विलाशी वस्तुको प्रयोग गर्दा ध्यान दिनुहोला ।
तुला (रा,री,रु,रे,रो,ता,ती,तू,ते) : आफ्नै भन्नेहरुले आश्वासन बाढ्ने तथा समयमा काम नगर्दिनाले समस्या पैदा हुनेछ । मन परेको मानिससँग टाढिनु पर्दा मन मुटुमा जलन पैदा हुनेछ । घरजग्गा तथा सवारी साधनको विषयमा विवाद गर्नुपर्ला । राजनीति तथा समाजसेवामा जनताको समर्थन भन्दा आलोचनानै धेरै हुनेछ । पाइरहेको पद गुम्ने खतरा रहेको छ, ध्यान दिनुहोला ।
वृश्चिक (तो,ना,नी,नू,ने,नो,या,यी,यू) : उत्कृष्ट नजिता हातपार्न काममा थोरै समय लगानी नै काफी हुनेछ । छोटो तथा रमाईलो यात्राको तय गर्न सकिनेछ । विवादित विषयको निर्णय तपाईकै पक्षमा हुनेछन् । दाजुभाई तथा छिमेकीसँग मिलेर गरिने व्यापार व्यवसाय फस्टाएर जानेछ । भौतिक सम्पत्ति तथा नगद जुट्नाले लगानी गर्ने सहज वातावरण बन्नेछ । प्रेममा सामिप्यता बढेर जानेछ ।
धनु (ये,यो,भा,भी,भू,ध,फा,ढा,भे) : बोलेको कुरा पुर्याउन नसक्दा आलोचनाको शिकार भइनेछ । छिटो बोल्दा वा निर्णय गर्दा परिस्थिती बिग्रनेछ । अध्ययनमा समय दिन नसक्दा अरुभन्दा पछि परिनेछ । प्रेममा मनमुटाव बढ्नेछ, भने आफन्तसँग घरायसी कुरामा राय बाजिनेछ । व्यापारमा मन्दि आउनाले अर्थ अभावले सताउने तथा दैनिकी प्रभावित हुनेछ ।
मकर (भो,जा,जी,जू,जे,जो,ख,खी,खू,खे,खो,गा,गी) : नयाँ कामको अवसर पाउने तथा गरिरहेको कामबाट मनग्गे धन आर्जन गर्न सकिनेछ । टाढिएका मित्र तथा आफन्तसँगको भेटले मन प्रशन्न हुनेछ । पुराना कमिकमजोरीहरुलाई सच्याउँदै रचनात्मक काम गर्न सकिनेछ । विलाशी वस्तुको प्रयोग मार्फत अरुको ध्यान आकर्षित गर्न सकिनेछ । माया प्रेममा नजिक हुने समय रहेको छ ।
कुम्भ (गू,गे,गो,सा,सी,सू,से,सो,दा) : विदेश भावमा गोचर गर्ने मध्यम चन्द्रमाले लामो दुरीको यात्रा हुने भएपनि बाटोमा दु:ख हुन सक्छ । विदेशी सामानको व्यापार व्यवसाय फस्टाएर जानेछ, भने स्वदेशी व्यापारमा मन्दि आउँनेछ । पढाइलेखाइमा मन नजाँदा नतिजा अरुतिर जानेछ । स्वास्थ्य सम्बन्धि समस्या आउने तथा औषधि उपचार खर्च बढेर जानेछ । प्रेममा धोका हुन सक्छ ।
मीन (दी,दू,थ,झ,ञ,दे,दो,चा,ची) : इमान्दार तथा लगनशील भएर लाग्नाले समाजमा राम्रा काम गरी नाम तथा दाम दुवै कमाउन सकिनेछ । कार्यक्षेत्रमा प्रतिष्ठित काम गरी सबैको ध्यान केन्द्रित गर्न सकिनेछ । पढाइलेखाइमा भनेजस्तो नतिजा हात पार्न सकिनेछ भने शिक्षा क्षेत्र तथा वित्तीय क्षेत्रमा समय लगानी गर्नेहरुका लागि समय फलदायि रहेको छ । माया प्रेममा रमाउन चाहानेहरुका लागि समय राम्रो रहेको छ ।
तपाईको दिन शुभ रहोस् ।
ज्यो. दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया