आइताबरदेखि शुक्रबारसम्म तपाईको दिन कस्तो रहनेछ ? हेर्नुहोस्

मेष (चू,चे,चो,ला,लि,लू,ले,लो,अ) : सााथिभाई, बन्धुबान्धव तथा ईष्टमित्रको सहयोगले राम्रा तथा परिणाममुखी काम गर्न सकिनेछ । व्यापार व्यवसायमा लगानी गरी मनग्गे लाभ लिन सकिनेछ । शिक्षा तथा शिक्षा पेशासँग सम्बन्धित कामबाट मनग्ये लाभ लिन सकिनेछ । माया प्रेमको डोरी कसिलो भएर जानेछ भने जीवनसाथीको सहयोगले उपलब्धिमुलक काम गर्न सकिनेछ । पैत्रिक धन तथा सम्पत्तिको प्रयोग मार्फत मनग्ये लाभ लिन सकिनेछ । उच्च तथा विशिष्ट व्यक्तित्वसँग मित्रता बढ्नेछ । विभिन्न अवसरको सदुपयोग गर्दै राम्रा तथा परिणाममुखी काम गर्न सकिनेछ । राजनीति तथा समाजसेवामा जनताको समर्थन पाईने हुँदा पद प्राप्तीको योग रहेको छ । विहीबारबाट दैनिक खर्च बढ्ने तथा आर्थिक व्यवस्थापन गर्न नजान्दा दिन प्रतिकुल बन्नेछ । आफन्त तथा अपरिचित व्यक्तिको विश्वास गर्नाले धोका पाइनेछ । स्वास्थ्यमा समस्या आउने तथा उपचार खर्च बढ्नेछ । विदेशी सामानको व्यापार तथा विदेशी संस्थामा काम गर्नेहरुको लागी समय उत्तम रहेको छ ।

वृष (ई,ऊ,ए,ओ,वा,वी,वू,वे,वो) : सोमबार बिहानसम्मको समय मध्यम रहेकोले व्यापार व्यवसायमा लगानी गरेपनि प्रतिफल भने ढिलामात्र प्राप्त हुनेछ । सरकारी साधन स्रोतको प्रयोग गर्दा ध्यान दिनुहोला। काम बिग्रने हुनाले जरिवाना तिर्नुपर्ने हुन सक्छ । सोमबार दिउँसोबाट समय राम्रो रहेकोले बुवा तथा अग्रजहरुको सहयोगले राम्रा काम गर्न सकिनेछ । पैत्रिक धन तथा सञ्चित धनसम्पत्तिको प्रयोग मार्फत आम्दानी बढाउन सकिनेछ । प्राकृतिक स्रोत साधनको प्रयोग तथा परिचालन मार्फत मनग्ये धन आर्जन गर्न सकिनेछ । इच्छा तथा चाहाना बुझ्न सकिने हुनाले प्रेममा उमंग छाउनेछ । पढाइ लेखाइमा मन जाने हुनाले चाहेको सफलता चुम्न सकिनेछ । आफन्त तथा दाजुभाईको सहयोगले सवारी साधनको खरिद गर्न सकिनेछ । नोकरीमा बढुवा तथा सुगम स्थानमा स्थानान्तरणको गतिलो योग रहेको छ ।

मिथुन (का,की,कू,घ,ङ,छ,के,को,हा) : सोमबार बिहानसम्मको समय मध्यम रहेकोले व्यक्तिगत स्वार्थ तथा वैराग्यभाव त्यागेर अगाडी बढ्नुहोला । सवारी साधन तथा भौतिक सम्पत्तिको प्रयोग गर्दा विशेष सावधानी अपनाउनुहोला । आलस्य थकानको अनुभूति हुनेछ भने दिनभर परिश्रम गरेपनि न्यून उपलब्धि हासिल हुनेछ । सोमबार दिउँसोबाट राजनीति तथा समाजसेवामा जनताको समर्थनले राम्रा काम गर्न सकिनेछ । व्यापारमा लगानी बढाई प्रशस्त आम्दानी गर्न सकिनेछ । कृषि तथा पशुपालन व्यवसायलाई समय सापेक्ष आधुनिकीकरण गरी लाभ लिन सकिनेछ । माया प्रेमको गाँठो कसिलो भएर जानेछ । पढाइलेखाइमा सहपाठीहरुलाई पछि पार्दै नतिजा आफैँतिर ल्याउन सकिनेछ । लामो दुरीको धार्मिक प्रतिष्ठान तथा मन्दिरतिरको यात्राको तय गर्न सकिनेछ ।

कर्कट (ही,हू,हे,हो,डा,डी,डु,डे,डो) : साताको सुरु र अन्तको समय राम्रो रहेकोले भौतिक स्रोेत साधनको प्रयोग मार्फत व्यक्तित्वलाई निखार्ने अवसर प्राप्त हुनेछ । व्यापार व्यवसाय फस्टाएर जाने तथा व्यापारकै सिलसिलामा लामो दुरीको मनोरञ्जनात्मक यात्रा हुनेछ । भौतिक सम्पत्ति तथा विलासी वस्तु प्राप्तीको योग रहेकोछ । साथिभाई तथा प्रेमीकाको सहयोग पाईनाले मन प्रशन्न रहनेछ । सोमबार दिउँसोबाट बुधबार साँझसम्मको समय मध्यम रहेकोले गोपनियता तथा गोप्य कुराहरु बाहिरिनाले समस्या पर्न सक्छ, ध्यान दिनुहोला । कामका बाधा अवरोधको सामना गर्दै अगाडी बढ्नु पर्ने बाध्यता आउनेछ । समय अनुसार नचल्नाले अरुभन्दा पछि परिनेछ । आफन्त तथा दिदिबहिनीसँग मनमुटाव बढ्ने योग रहेको छ । स्वास्थ्यमा समस्या आउनाले दैनिक कामहरु प्रभावित हुनेछन् प्रेममा अविश्वास बढ्नेछ ।

सिंह (मा,मी,मू,मे,मो,टा,टी,टू,टे): विद्या तथा प्रतिस्पर्धामा प्रतिस्पर्धीहरुलाई किनारा लगाउँदै नतिजा आफ्नो पोल्टोमा पार्न सकिनेछ । शत्रु परास्त हुनेछन् भने व्यापार व्यवसायमा प्रशस्त आम्दानी हुनेछ । पुराना ऋण,रोग तथा शत्रुबाट छुट्कारा पाईने हुनाले मन प्रशन्न हुनेछ । आफन्त तथा मावली पक्षबाट हरेक क्षेत्रमा सहयोग तथा समर्थन पाईने योग रहेको छ । न्यायलयबाट हुने न्यायिक निर्णयहरु तपाईकै पक्षमा हुने हुनाले खुशीले उचाई नाघ्नेछ । विहीबारबाट समय मध्यम रहेकोले व्यस्तता बढेपनि स्वास्थ्यको ख्याल नगर्दा कमजोरी महसुस हुनेछ । खानपान तथा बाहिरी वातावरणको ध्यान दिनुहोला । व्यापार व्यवसायमा लगानी गर्नुपूर्व आवश्यक तयारी राम्रोसँग गर्नुहोला । पढाइलेखाइमा मन नजाँदा भनेजस्तो नतिजा नआउन सक्छ । प्रेममा रमाउन चाहनेहरुका लागि यो साता मध्यम रहेको छ । गोप्यता भंग हुने तथा आफन्तसँग विवाद बढ्नेछ ।

कन्या (टो,पा,पी,पु,ष,ण,ठ,पे,पो) : सोमबार विहानसम्मको समय मध्यम रहेकोले व्यापारमा प्रशस्त समय दिएमात्र आम्दानी बढाउन सकिनेछ । भौतिक सम्पत्ति तथा उपहार प्राप्तीको योग रहेपनि टरेर जानेछ । तरपनि मेहनत गर्दा ईज्जत प्रतिष्ठामा वृद्धि गर्न सकिनेछ । सोमबार दिउँसोबाट सन्तान तथा आफन्तको सहयोग लिएर काम गर्नुहोला गन्तव्य पहिल्याउन सहज हुनेछ । विद्या तथा कुनैपनि प्रतिस्पर्धामा प्रतिस्पर्धीहरुलाई किनारा लगाउँदै नतिजा हात पार्न सकिनेछ । न्यायिक निर्णयहरु तपाईकै पक्षमा हुनेछन् । विलाशी तथा भौतिक वस्तु प्रयोग गर्न पाईनेछ । व्यापार व्यवसायबाट मनग्ये धन आर्जन हुने तथा व्यवसायकै सिलसिलामा लामो दुरीको यात्रा हुनेछ । प्रेमील जोडीहरुका लागि समयले साथ दिनेछ ।

तुला (रा,री,रु,रे,रो,ता,ती,तू,ते) : सोमबार दिउँसोसम्मको समय मध्यम रहेकोले आफ्नै भन्नेहरुले आश्वासन बाढ्ने तथा समयमा काम नगर्दिनाले समस्या पैदा हुनेछ । मन परेको मानिससँग टाढिनु पर्दा मन मुटुमा जलन पैदा हुनेछ । घरजग्गा तथा सवारी साधनको विषयमा विवाद गर्नुपर्ला । राजनीति तथा समाजसेवामा जनताको समर्थन भन्दा आलोचना नै धेरै हुनेछ । सोमबार दिउँसोबाट समय राम्रो रहेकोले बौद्धिक तथा प्राविधिक ज्ञानको प्रयोग गरी काम गर्दा आम्दानी बढाउन सकिनेछ । शिक्षा क्षेत्रमा लगानी गरी मनग्ये धन आर्जन गर्न सकिनेछ । भौतिक सम्पत्ति तथा विलाशी वस्तु उपहारको रुपमा प्राप्त हुनेछ । अध्ययनमा अलि चनाखो हुँदा प्रगति गर्न सकिनेछ । माया प्रेममा सामिप्यता बढ्ने तथा प्रेम प्रस्ताव आउँनेछ । सन्तान तथा आफन्तको सहयोगले राम्रा काम गर्न सकिनेछ । न्यायालयबाट न्यायिक निर्णयहरु तपाईकै पक्षमा हुनेछन् ।

वृश्चिक (तो,ना,नी,नू,ने,नो,या,यी,यू) : साताको सुरु र अन्तको समय राम्रो रहेकोले उद्योग तथा व्यापारबाट मनग्गे धन आर्जन गर्न सकिनेछ । खेदकुद तथा पराक्रमी क्रियाकलापमा भाग लिनेहरुका लागि समयले साथ दिनेछ भने चाहेको उपलब्धि हासिल गर्न सकिनेछ । अध्ययनमा मन जानेछ भने नतिजा आफैँतिर ल्याउन सकिनेछ । दाजुभाई तथा छिमेकीको साथ पाईनेछ । लेखन तथा साहित्यमा रुचि बढ्नेछ, सोमबार दिउँसोबाट बुधबारसम्मको समय मध्यम रहेकोले आफन्त तथा साथीभाईसँग राय नमिल्दा दैनिक कामहरु प्रभावित हुन सक्छन् । राजनीति तथा समाजसेवामा समय खर्चिनेहरुले काम गर्दा ध्यान दिनुहोला । निर्णय गर्न नसक्दा हातमा आइसकेको काम अरुले नै फुत्काउनेछन् । घरजग्गा तथा सवारी साधनको प्रयोग गर्दा ध्यान दिनुहोला विवाद तथा किचलो हुनसक्छ ।

धनु (ये,यो,भा,भी,भू,ध,फा,ढा,भे) : साताको सुरु र अन्तको समय मध्यम रहेकोले शुभचिन्तकको भावनालाई वेवास्ता गर्दा दु:ख पाईनेछ । बोलेका कुरा पूरा गर्न नसक्दा अरुले अविश्वास गर्न सक्छन्, ध्यान दिनुहोला । प्रेम प्रसंगमा मनमुटाव हुने योग रहेको छ । खानपानमा ध्यान नदिँदा स्वास्थ्य सम्बन्धि समस्या आउन सक्छ । व्यापार व्यवसायमा आम्दानी कम हुनाले लगानी गरिहाल्ने समय रहेको छैन । संगित क्षेत्रमा भने समय राम्रो रहेको छ । आमा तथा आफन्तसँग टाढिएर यात्रा गर्नुपर्दा मन खिन्न हुनेछ । सोमबार दिउँसोबाट बुधबारसम्म समय राम्रो रहेकोले व्यापार व्यवसायमा थोरै समय दिँदापनि मनग्ये आम्दानी गर्न सकिनेछ । विवादित विषयहरु ह्रास भएर जानेछन् भने न्यायिक निर्णयहरु तपाईकै पक्षमा आउँनेछ । अध्ययन अध्यापनमा मन जाने हुनाले अरुभन्दा उत्कृष्ट नतिजा हासिल गर्न सकिनेछ । मन परेको मानिससँग छोटो तथा रमाईलो यात्रा तय गर्न सकिने तथा स्वादिष्ट भोजनमा रमाउन सकिनेछ । दाजुभाई तथा आफन्तको सहयोगले नयाँ काम थालनी गरी आर्थिक रुपमा सबल हुन सकिनेछ ।

मकर (भो,जा,जी,जू,जे,जो,ख,खी,खू,खे,खो,गा,गी): आफ्नो दैनिक काम समयमा सम्पादन गरी बचेको समय समाजसेवामा खर्चन पाइने हुनाले मान सम्मान पाइनेछ । ईच्छाशक्ति बढ्ने तथा कृतिमानी काम गरी नाम तथा दाम दुवै कमाउन सकिनेछ । प्रेम तथा मित्रताको बन्धन कसिलो हुने तथा जीवनसाथीको सहयोग पाईनेछ । पढाइमा मन जाने तथा नतिजा आफैँतिर ल्याउँन सकिनेछ । बन्द व्यापारमा लगानी गरी आर्थिक क्षेत्र बलियो बनाउन सकिनेछ । पहिले लगानी गरेका रकमहरु उठ्ने हुनाले मन प्रशन्न हुनेछ । आफन्त तथा कुटुम्बसँगको सम्बन्धमा सुधार भएर जानेछ भने आफन्तको सहयोगले हरेक क्षेत्रमा प्रगति गर्न सकिनेछ । रमाईलो जमघटमा सामेल भई मिष्ठान्न भोजन ग्रहण गर्ने अवसर प्राप्त हुनेछ । प्रयत्न गर्दा भैपरी आउने समस्याहरु सहजै समाधान हुनेछ ।

कुम्भ (गू,गे,गो,सा,सी,सू,से,सो,दा) : सोमबार बिहानसम्मको समय मध्यम रहेकोले दैनिक खर्च बढ्ने तथा आर्थिक व्यवस्थापन गर्न नजान्दा दिन प्रतिकुल बन्नेछ । आफन्त तथा अपरिचित व्यक्तिको विश्वास गर्नाले धोका पाईनेछ । स्वास्थ्यमा समस्या आउँने तथा उपचार खर्च बढ्नेछ । तर पनि विदेशी सामानको व्यापार तथा विदेशी संस्थामा काम गर्नेहरुको लागी समय उत्तम रहेको छ । सोमबार दिउँसोबाट समय राम्रो रहेकोले नयाँ प्रविधिको प्रयोग मार्फत रचनात्मक काम गरी मनग्गे धन आर्जन गर्नेछ । आफन्त तथा कुटुम्बको धन परिचालन गरेर आम्दानी बढाउन सकिनेछ । विछोड भएका सम्बन्धहरु पुन: सुचारु हुनेछन् । आफन्त तथा अग्रजहरुको सहयोगले राम्रा काम गर्न सकिनेछ । प्रेमको डोरी कसिलो भएर जानेछ भने पतिपत्निबीच विश्वास बढ्नेछ । होटल, रेष्टुरेन्ट तथा बोलेर गर्ने पेशा व्यवसाय फस्टाएर जानेछ ।

मीन (दी,दू,थ,झ,ञ,दे,दो,चा,ची) : साताको सुरु र अन्तको समय राम्रो रहेकोले अध्ययन तथा अनुसन्धानमा ध्यान केन्द्रित हुँदा उत्कृष्ट नजिता हात पार्न सकिनेछ । प्रविधिको उच्चतम प्रयोग गरी रचानात्मक कार्य गर्न सकिनेछ । पैत्रिक धनको प्रयोग मार्फत व्यवसाय गरी रोजगारीको अवसर सिर्जना गर्न सकिनेछ । प्रेममा सामिप्यता बढेर जानेछ भने जीवनसाथीको सहयोगले राम्रा काम गर्न सकिनेछ । जमघटमा मिष्ठान्न भोजन ग्रहण गर्न सकिनेछ । सोमबार दिउँसोबाट बुधबारसम्मको समय मध्यम रहेकोले खानपानमा ध्यान दिनुहोला स्वास्थ्यमा समस्या आई औषधि उपचार खर्च बढ्नेछ । काम गर्दा ध्यान दिनुहोला काम बिग्रन तथा जरिवाना हुनसक्छ । तर पनि लामो दुरीको विदेश यात्राको प्रशस्त सम्भावना रहेको छ । विदेशमा बसेर काम गर्नेहरुका लागि समयले साथ दिनेछ भने विदेशी सामानको व्यापार व्यवसाय फस्टाएर जानेछ । विदेशी लगानीबाट सञ्चालित संस्थामा नोकरी पाउँने योग रहेको छ ।
तपाईको साता शुभ रहोस् ।
ज्यो. दुर्गा भण्डारी ।