काठमाडौं । राष्ट्रिय क्रिकेट टिमका लेग स्पिनर सन्दीप लामिछाने सम्मेलित मेलबर्न स्टार्सले बिग बास लिग (बीबीएल) क्रिकेटको चौथो खेलमा आज होबर्ट हुरिकेन्ससँग भिड्दै छ ।
मेलबर्नले नेपाली समय अनुसार दिउँसो १ बजेर ५५ मिनेटमा हुरिकेन्ससँग प्रतिस्पर्धा गर्न लागेको हो ।
लिग चरणमा मेलबर्न र हुरिकेन्स दोस्रो पटक खेल्न लागेका हुन् । तीन खेलमा दुई जित र एक हार ब्यहोरेको मेलबर्न ४ अंक सहित अंक तालिकाको चौथो स्थानमा रहेको छ ।
समान खेलमा समान अंक भएपनि हुरिकेन्स नेटरनरेटको आधारमा पाँचौं स्थानमा रहेको छ ।
बीबीएलमा यस सिजन सन्दीपको प्रदर्शन औसत रहेको छ । उनले ७ दशमलब १० को इकोनमिमा ३ खेलमा ३ विकेट लिएका छन् । सर्वाधिक विकेट लिने खेलाडीको सूचीमा सन्दीप १९ औं स्थानमा रहेका छन् ।
यो खबर पढेर तपाईलाई कस्तो महसुस भयो ?
प्रतिक्रिया