राष्ट्र बैंकको प्रवक्तामा भट्ट नियुक्त

काठमाडौं । नेपाल राष्ट्र बैंकले प्रवक्तामा डा. गुणरत्न भट्टलाई नियुक्त गरेको छ । यस भन्दा अघि राष्ट्र बैंकका प्रवक्ताको रुपमा लक्ष्मी प्रपन्न निरौला रहेका थिए । निरौलाको कार्यावधी सकिएसँगै भट्टलाई नियुक्त गरिएको हो । नवनियुक्त प्रवक्ता भट्ट राष्ट्र बैंकमा कार्यकारी निर्देशक (विशिष्ट श्रेणी) मा रहेका थिए । उनलाई बुधबारबाट प्रवक्ताको जिम्मेवारी दिइएको राष्ट्र बैंकले जनाएको छ ।

नवनियुक्त प्रवक्ता भट्टले अर्थशास्त्रमा विद्यावारिधि गरेका छन् । त्यसका साथसाथै उनी बैंकको अनुसन्धान विभागका कार्यकारी निर्देशक समेत रहेको थिए ।