काठमाडौं । आज मिति २०७६ साल पुस १८ गते शुक्रबार ।इस्वी संवत २०२० जनवरी ३ तारिक । शकसंवत् १९४१ । परिधावी संवत्सर । दक्षिणायन । हेमन्त ऋतु । नेपाल संवत ११४० थिंलागा । पौष शुक्लपक्ष । तिथी– अष्टमी,२१ बजेर १८ मिनेट उप्रान्त नवमी । नक्षत्र– रेवती,अहोरात्र । योग– परिध,२२ बजेर ४१ मिनेट उप्रान्त शिव । करण– भद्रा,०८ बजेर १५ मिनेट उप्रान्त वव,२१ बजेर १८ मिनेट उप्रान्त बालव । आनन्दादिमा श्रीवत्स योग । चन्द्रराशि–मीन । काठमाडौंमा सूर्योदय ६ बजेर ५६ मिनेटमा, सूर्यास्त १७ बजेर १९ मिनेटमा । दिनमान २५ घडी ५६ पला । पञ्चक। अष्टमी व्रत। गोरखकाली पूजा। श्रीश्वेतमत्स्येन्द्रनाथ स्नान। जनवहाद्यन्हव। सर्वार्थसिद्धि योग, ८ बजेर १५ मिनेटदेखि।
मेष (चू,चे,चो,ला,लि,लू,ले,लो,अ) : दैनिक खर्च बढ्ने तथा आर्थिक व्यवस्थापन गर्न नजान्दा दिन प्रतिकुल बन्नेछ । आफन्त तथा अपरिचित व्यक्तिको विश्वास गर्नाले धोका पाईनेछ । स्वास्थ्यमा समस्या आउने तथा उपचार खर्च बढ्नेछ । विदेशी सामानको व्यापार तथा विदेशी संस्थामा काम गर्नेहरुको लागि समय उत्तम रहेको छ । अध्ययन तथा कामको लागि लामो दूरीको यात्रा गर्न सकिनेछ ।
वृष (ई,ऊ,ए,ओ,वा,वी,वू,वे,वो): सिमित स्रोत तथा साधनबाट असिमित आवस्यकता पुरा गर्नु पर्दा रुपैयाँ पैसाको व्यवस्थापन गर्न गाह्रो पर्नेछ । नयाँ काम गर्नु पहिले ध्यान दिनुहोला । अवसरवादीहरुले फसाउँन सक्छन् । दाजुभाई तथा आफन्तलाई विश्वास गर्दा धोका पाईनेछ । माया प्रेममा एक अर्काबीच मनमुटाव हुने तथा पति पत्नीबीचको सम्बन्धमा अविश्वास बढ्नेछ । अन्यत्रै ध्यान मोडिदा पढाइ लेखाइमा पछि परिनेछ ।
मिथुन (का,की,कू,घ,ङ,छ,के,को,हा) : राजनीतिज्ञ तथा समाजसेवीहरुले जनताको कामगरी पद प्राप्त गर्न सक्नेछन् । व्यापार व्यवसाय फस्टाएर जाने हुनाले मनग्ये धन आर्जन गर्न सकिनेछ । कार्यक्षेत्रमा प्रतिष्ठित काम गर्ने अवसर प्राप्त हुनेछ । इमान्दारिता तथा लगनशिलताको उच्च मुल्याङकन हुनेछ । पढाइ लेखाइमा मन जाने तथा नतिजा हात पार्न सकिनेछ । प्रेमको डोरी कसिलो हुनेछ ।
कर्कट (ही,हू,हे,हो,डा,डी,डु,डे,डो) : पढाइ लेखाइमा राम्रो प्रगति गर्न सकिनेछ भने पढाइकै सवालमा लामो दूरीको यात्राको तय गर्न सकिनेछ । खोज तथा अनुसन्धानको क्षेत्रमा रुचि बढ्नेछ । सानो लगानीबाट सुरु गरिएको लगानी फस्टाएर जाने तथा मनग्ये फाइदा कमाउँन सकिनेछ । माया प्रेमको डोरी कसिलो भएर जानेछ । धर्म संस्कृती तथा रितिरिवाज जर्गेना गर्ने काममा तपाईको सहभागिता हुनेछ ।
सिंह (मा,मी,मू,मे,मो,टा,टी,टू,टे) : खानपान तथा मौसमको ध्यान दिनहोला समय मध्यम रहेको छ । आफन्त तथा दिदिबहिनीसँग मनमुटाव सिर्जना हुनेछ । गोप्य फाइल बाहिर आउँने हुनाले ईज्जत प्रतिष्ठा जोगाउन हम्मे हम्मे पर्नेछ । माया प्रेममा धोका तथा अविश्वास हुनेछ । शिक्षा तथा पढाइ लेखाइमा मन नजाँदा प्रतिष्पर्धिहरुभन्दा पछि परिनेछ । व्यापारमा मन्दि आउँनेछ ।
कन्या (टो,पा,पी,पू,ष,ण,ठ,पे,पो) : जीवनसाथीको सहयोगले राम्रा तथा परिणाममुखी काम गर्न सकिनेछ भने माया प्रेममा सामिप्यता बढेर जानेछ । व्यवसाय फस्टाएर जाने हुनाले दैनिकी सुदृड हुनेछ । विशेष गरी साझेदारी व्यापारबाट आजको दिन मनग्ये धन आर्जन हुनेछ । अध्ययनमा मन जाने तथा खोज तथा अनुसन्धानकै शिलशिलामा लामो दूरीको यात्राको प्रशस्त सम्भावना रहेको छ ।
तुला (रा,री,रु,रे,रो,ता,ती,तू,ते) : पढाइ लेखाइमा सहपाठीहरुलाई किनारा लगाउँदै एक कदम अगाडी बढ्न सकिनेछ । नोकरीमा हुने प्रतिस्पर्धामा तपाईको नाम अग्र स्थानमा आउँनेछ । पुराना स्वास्थ्य सम्बन्धि समस्या हल भएर जानेछ भने ऋणबाट मुक्त हुन सकिनेछ । माया प्रेममा नजिक हुन सकिनेछ भने पति पत्निबीच विश्वास बढेर जानेछ । अफिसियल यात्राको गतिलो योग रहेको छ ।
वृश्चिक(तो,ना,नी,नू,ने,नो,या,यी,यू) : अध्ययनमा मन जाने तथा अध्ययनकै सवालमा लामो दूरीको यात्राको तय गर्न सकिनेछ । घरायसी प्रयोजनका लागि भोगविलासका सामानहरुको खरिद गर्ने समय रहेको छ । व्यापार व्यवसाय फस्टाएर जानेछ । उपहारका रुपमा विलाशी वस्तु हात पर्नेछ । प्रेम सम्बन्ध सुदृढ हुने तथा छुट्टिएका सम्बन्ध पुन: सुचारु हुने योग रहेको छ ।
धनु (ये,यो,भा,भी,भू,ध,फा,ढा,भे) : राजनीति तथा सामाजिक काममा हतारमा निर्णय गर्दा आलोचना हुनेछ । अन्य व्यापार व्यवसायमा मन्दि आउँने भएपनि कृषि तथा पशुपालन व्यवसाय फस्टाएर जानेछ । आफन्त तथा परिवारलाई समय दिन नसक्दा तपाईदेखि रिसाउँनेछन् । प्रेममा एक अर्काको भावना नबुझ्दा टाढिनु पर्ने बाध्यता आउँन सक्छ । अध्ययन तथा अध्यापनबाट भनेजस्तो नतिजा हात नपर्न सक्छ ।
मकर (भो,जा,जी,जू,जे,जो,ख,खी,खू,खे,खो,गा,गी) : आँट, शाहस तथा पराक्रममा बृद्धि भएर जाने हुनाले पुरुषार्थि काम गरेर नाम तथा दाम दुवै कमाउँन सकिनेछ । न्यायिक निर्णयहरु तपाईकै पक्षमा हुनेछन् । उद्योग तथा उत्पादन मुलक क्षेत्रमा लगानी गरी आम्दानी बढाउँन सकिनेछ । लेखन, कला तथा साहित्यको क्षेत्रमा कलम चलाउँनेहरुका लागि समय फलदायी रहेको छ । प्रेमका सामिप्यता बढेर जानेछ ।
कुम्भ (गू,गे,गो,सा,सी,सू,से,सो,दा) : व्यापार व्यवसायबाट भनेजस्तो आम्दानी हुने तथा लगानी बढाउँदा भविष्यमा आम्दानी भइरहनेछ । विभिन्न अवसरको सदुपयोग गर्दै मनग्ये भनेजस्तो लाभ लिन सकिनेछ । आफन्त तथा कुटुम्बसँगको बसाइमा मिष्ठान भोजन ग्रहण गर्ने अवसर जुर्नेछ । अध्ययनमा तपाईको नाम, अग्र स्थानमा आउँनेछ भने माया प्रेममा सामिप्यता बढेर जानेछ ।
मीन (दी,दू,थ,झ,ञ,दे,दो,चा,ची) : आफ्नो दैनिक काम समयमा सम्पादन गरी बचेको समय समाजसेवामा खर्चन पाईने हुँनाले मान सम्मान पाईनेछ । इच्छाशक्ति बढ्ने तथा कृतिमानी काम गरी नाम तथा दाम दुवै कमाउँन सकिनेछ । प्रेम तथा मित्रताको बन्धन कसिलो हुने तथा जीवनसाथीको सहयोग पाईनेछ । पढाइमा मन जाने तथा नतिजा आफैँतिर ल्याउँन सकिनेछ ।
तपाईको दिन शुभ रहोस् ।
ज्यो दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया