तपाईको यो साता कस्तो रहनेछ ? राशिफलबाट थाहा पाउनुहोस्

मेष (चू,चे,चो,ला,लि,लू,ले,लो,अ) : आफन्त तथा शुभचिन्तकको साथ तथा समर्थन पाईने हुनाले मन प्रशन्न हुनेछ । लगनशिल तथा ईमान्दार भएर लाग्नाले कार्यक्षेत्रमा लोकप्रियता चुलिनेछ । विभिन्न अवसर आउने तथा ती अवसरहरुको सदुपयोग गर्दै परिणाममुमी काम गर्न सकिनेछ । पढाइ लेखाइमा प्रतिस्पर्धीभन्दा एक कदम अगाडी बढि नतिजा हात पार्न सकिनेछ । बोलीको प्रभाव बढ्ने हुनाले काउन्सेलिङ तथा मोटिभेसन क्षेत्रमा समय खर्चिनेहरुले मनग्गे धन आर्जन गर्न सक्नेछन् । स्रोत साधन जुट्नाले व्यवसायमा लगानी बढाउँन सकिनेछ । आफन्त तथा कुटुम्बबाट सुनिने सुखद समाचारले उत्साह जगाउँनेछ । बिहीबार र शुक्रबारको समय मध्यम रहेकोले दाजुभाई तथा छिमेकीसँग सामान्य कुरामा मनमुटाव सिर्जना हुँनेछ । छोटो यात्रा हुने भएपनि यात्राका क्रममा विभिन्न बाधा अवरोधहरुको सामना गर्नुपर्नेछ । न्यायालयबाट हुने न्यायिक निर्णयहरु तपाईको पक्षमा नहुने हुनाले मुद्दा मामिलामा सामेल नहुनुहोला ।

वृष (ई,ऊ,ए,ओ,वा,वी,वू,वे,वो) : सोमबार साँझसम्मको मध्यम रहेकोले दैनिक खर्च बढ्ने तथा आर्थिक व्यवस्थापन गर्न नजान्दा दिन प्रतिकुल बन्नेछ । आफन्त तथा अपरिचित व्यक्तिको विश्वास गर्नाले धोका पाईनेछ । स्वास्थ्यमा समस्या आउँने तथा उपचार खर्च बढ्नेछ । तरपनि विदेशी सामानको व्यापार तथा विदेशी संस्थामा काम गर्नेहरुको लागी समय उत्तम रहेको छ । सोमबार साँझबाट समय राम्रो रहेकोले नयाँ कामको अवसर आउँने तथा गरिरहेको कामबाट मनग्ये धन आर्जन गर्न सकिनेछ । टाढिएका मित्र तथा आफन्तसँगको भेटले मन प्रशन्न हुनेछ । पुराना कमिकमजोरीहरुलाई सच्याउँदै रचनात्मक काम गर्न सकिनेछ । विलाशी वस्तुको प्रयोग मार्फत अरुको ध्यान आकर्षित गर्न सकिनेछ । माया प्रेममा नजिक हुने समय रहेको छ । पारिवारीक माहोलमा जमघट भई मिष्ठान्न भोजन ग्रहण गर्ने अवसर प्राप्त हुनेछ ।

मिथुन : (का,की,कू,घ,ङ,छ,के,को,हा) : साताको सुरु र अन्त्यको समय राम्रो रहेकोले प्रविधिको प्रयोग गरी रचानात्मक काम गरी मनग्ये धन आर्जन गर्न सकिनेछ । पढाइ लेखाइमा सफलता हात पार्न सकिनेछ, भने पहिले गरिएका कामहरु उपलब्धिमुलक बन्दै जानेछन् । नयाँ काम गर्न सकिने तथा सहयोग र समर्थन गर्नेहरु प्रशस्त भेटिनेछन् । समाजसेवा तथा राजनीतिमा चासो बढ्ने तथा जनताको काम गर्न सक्दा पद प्राप्तीको योग रहेको छ । प्राकृतिक स्रोत साधनको प्रयोग गरी आम्दानी बढाउँन सकिनेछ । सोमबार मंगलबार र बुधबारको समय मध्यम रहेकोले आफन्त तथा साथीभाईबाट टाढिनु पर्दा मन खिन्न हुनेछ । धोका दिने तथा आस देखाउँनेहरु सक्रिय हुनेछन् । कार्यक्षेत्रमा आलोचना गर्नेहरुबाट सजक रहनुहोला । स्वास्थ्यको ख्याल गर्नुहोला । औषधि उपचार खर्च बढ्नेछ । अध्ययनमा मन नजादा अरुभन्दा पछि परिनेछ । तरपनि लामो दूरीको यात्रा हुने तथा विदेशी सामानको व्यापार फस्टाएर जानेछ ।

कर्कट (ही,हू,हे,हो,डा,डी,डु,डे,डो) : समाजमा नेतृत्वदायी भुमिकामा बसेर काम गर्न सकिने तथा मान सम्मान ईज्जत प्रतिष्ठामा बृद्धि भएर जानेछ । नयाँ काम गर्न सकिनेछ भने नोकरीमा बढुवा हुने योग रहेको छ । व्यापारमा लगानी गरी मनग्ये धन आर्जन गर्न सकिनेछ भने कृषि,पशुपालन व्यवसाय फस्टाएर जानेछ । विभिन्न साधन स्रोत जुटाई दिगो फाईदा हुने काम आरम्भ गर्न सकिनेछ । पैत्रिक सम्पत्तिको प्रयोग मार्फत आम्दानी बढाउँन सकिनेछ । शिक्षा तथा बैकिङ क्षेत्रमा गरिएको लगानीबाट मनग्ये धन आर्जन गर्न सकिनेछ । प्रणय सम्बन्धका रमाउन चाहनेहरुका लागि समय उत्तम रहेको छ । दाजुभाईको सहयोगले भौतिक सम्पत्ति तथा सवारी साधन जोड्न सकिनेछ । बिहीबार र शुक्रबारको समय मध्यम रहेकोले खानपानमा ध्यान दिनुहोला । स्वास्थ्यमा समस्या आई औषधि उपचार खर्च बढ्नेछ । काम गर्दा ध्यान दिनुहोला काम बिग्रन तथा जरिवाना हुन सक्छ । तापनी लामो दूरीको विदेश यात्राको प्रशस्त सम्भावना रहेको छ ।

सिंह (मा,मी,मू,मे,मो,टा,टी,टू,टे) : साताको सुरु र अन्तको समय राम्रो रहेकोले धार्मिक तथा शैक्षिक यात्राको योग रहेको छ । पैत्रिक धन तथा सञ्चित धनसम्पत्तिको प्रयोग मार्फत आम्दानी बढाउँन सकिनेछ । प्राकृतिक स्रोत साधनको प्रयोग तथा परिचालन मार्फन मनग्ये धन आर्जन गर्न सकिनेछ । ईच्छा तथा चाहना बुझ्न सकिने हुनाले प्रेममा उमङग छाउनेछ । पढाइ लेखाइमा मन जाने हुनाले चाहेको सफलता चुम्न सकिनेछ । आफन्त तथा दाजुभाईको सहयोगले सवारी साधनको खरिद गर्न सकिनेछ । मंगलबार र बुधबारको समय मध्यम रहेकोले आफन्त तथा बुवा सरहका मानिससँग मनमुटाव सिर्जना हुनेछ । व्यापार व्यावसायबाट न्यून आम्दानी हुनेछ । राजनीति तथा समाजसेवामा जनताको काम गर्न नसकिने हुदा ईज्जत प्रतिष्ठामा कमिको महसुस हुनेछ । सरकारी काममा सेवा प्रवाह गर्नेहररुको ढिलासुस्तिले समयमा काम बन्ने छैन ।

कन्या (टो,पा,पी,पु,ष,ण,ठ,पे,पो) : साता मध्यम रहेकोले अल्छी गर्ने बानिले विभिन्न अवसरहरु फुत्कनेछन् । स्वास्थ्य कमजोर रहनाले सोचेको उपलब्धि तत्काल हात नलाग्न सक्छ । भौतिक सम्पत्ति, फलाम, तथा सवारीको प्रयोग गर्दा ध्यान दिनुहोला । व्यापार व्यवसायमा लगानी गरेपनि प्रतिफल भने ढिलामात्र प्राप्त हुनेछ । सरकारी साधन स्रोतको प्रयोग गर्दा ध्यान दिनुहोला । काम बिग्रने हुनाले जरिवाना तिर्नु पर्ने हुन सक्छ भने प्रशासनीक तथा सरकारी सेवामा ढिला सुस्तिको चपेटामा परिनेछ । धार्मिक तथा शैक्षिक यात्रा गर्दा ध्यान दिनुहोला । कागजपत्र नमिल्नाले विलम्ब हुन सक्छ । तरपनि बुवा तथा अग्रजहरुको सहयागले राम्रा काम गर्न सकिनेछ । अध्ययनमा अलि बढी समय लगानी गरे राम्रै नतिजा हात पार्न सकिनेछ ।

तुला (रा,री,रु,रे,रो,ता,ती,तू,ते) : साता मध्यम रहेकोले घर परिवारमा आन्तरिक कलह बढ्नेछ । प्रेममा रहेकाहरु टाढा नै बस्नु उचित हुनेछ । व्यवसायमा लगानी कर्ताहरुबीच मनमुटाव सिर्जना हुने योग रहेको छ । लामो दूरीको व्यावसायिक तथा धार्मिक यात्रामा विलम्ब हुनेछ । सवारी साधन तथा अन्य हार्डवयेरसँग सम्बन्धित वस्तुको प्रयोग गर्दा ध्यान दिनुहोला । सचेत नभए ऋण, रोग तथा शत्रुले सताउँनेछन् । काममा ढिला, सुस्ति तथा अप्रिय समाचारले दैनिकी प्रभावित हुनेछ भने संकट व्यवस्थापनमा चालिएका कदमहरु व्यर्थ हुनेछन् । गोप्य योजनाहरु बाहिरिन सक्छ, ध्यान दिनुहोला । आफन्त तथा दिदिबहिनीहरुले पनि सहयोग गर्ने छैनन् । अल्छि गर्ने बानीले काम बाँकी रहनेछ भने शरीर स्वास्थ्य नहुनाले आलस्यता बढेर जानेछ ।

वृश्चिक (तो,ना,नी,नू,ने,नो,या,यी,यू) : पुराना विवादहरु साम्य हुनेछन् भने न्यायिक निर्णयहरु तपाईकै पक्षमा फैसला हुनेछन् । पढाइ लेखाइमा प्रतिस्पर्धीहरुलाई किनारा लगाउँदै उत्कृष्ट नतिजा तपाईको हातमा पर्नेछ । माया प्रेमका कोपिलाहरु फक्रनेछन् भने पति पत्निको सहयोगले उपलब्धिमुलक कामहरु गर्न सकिनेछ । ऋण, रोग तथा संकटको सामाना गर्ने शक्ति जुटाउन सकिनेछ । मंगलबारबाट समय मध्यम रहेकोले साथ दिने तथा सहयोग गर्नेहरुले हात झिक्नाले चिताएको काम विलम्ब गरी सम्पादन हुनेछ । सामान्य काममा श्रम तथा समय खर्च हुनेछ भने अरुको काममा समय खर्च हुनेछ । विलाशी वस्तु तथा भौतिक सम्पत्तिको प्रयोग गर्दा ध्यान दिनुहोला । जीवनसाथीको सहयोग नपाईनाले व्यापार व्यवसायमा भनजस्तो आम्दानी हुनेछैन ।

धनु (ये,यो,भा,भी,भू,ध,फा,ढा,भे) : साताको सुरु र अन्तको समय राम्रो रहेकोले वौद्धिक व्यक्तित्वहरु सामु तपाईले प्रस्तुत गर्नुभएको खरो प्रस्तुतिले सबैको मन जित्नेछ । पढाइ लेखाइमा अरुभन्दा एक कदम अघि बढी नतिजा आफैंतिर ल्याउँन सकिनेछ । भौतिक तथा मानव निर्मित स्रोत साधनको प्राप्तिको योग रहेको छ । सन्तान तथा छोराछोरीको प्रगतिमा मन रमाउँनेछ । एकल तथा साझेदारी व्यवसायमा लगानी बढाउँन सकिनेछ भने फेन्सि तथा विलासी वस्तुको व्यापारबाट मनग्ये आम्दानी हुनेछ । व्यापारकै सिलसिलमा लामो दूरीको यात्रा हुनेछ । साथीभाई तथा ईष्टमित्रबाट उपहार प्राप्त हुनेछ । मंगलबार र बुधबारको समय मध्यम रहेकोले कार्यक्षेत्रमा सजक हुनुहोला, आलोचना गर्नेहरु सक्रिय हुनेछन् । ऋण, रोग तथा शत्रुको सामना गर्नुपर्दा कमजोर भएको महसुस हुनेछ । विद्या तथा प्रतिस्पर्धामा अरुनै हावी हुनेछन् ।

मकर (भो,जा,जी,जू,जे,जो,ख,खी,खू,खे,खो,गा,गी) : साताको सुरु र अन्तको समय मध्यम रहेकोले आफ्नै भन्नेहरुले आस्वासन बाढ्ने तथा समयमा काम नगर्दिनाले समस्या पैदा हुनेछ । मन परेको मानिससँग टाढिने पर्दा मन मुटुमा जलन पैदा हुनेछ । घरजग्गा तथा सवारी साधनको विषयमा विवाद गर्नुपर्ला । राजनीति तथा समाजसेवामा जनताको समर्थनभन्दा आलोचनानै धेरै हुनेछ । पाईरहेको पद गुम्ने खतरा रहेको छ, ध्यान दिनुहोला । पुराना रोग पुन: बल्झिनाले स्वास्थ्यमा समस्या आउँन सक्छ । बिद्या तथा प्रतिस्पर्धामा समय मध्ययम रहेकोले प्रतिष्पर्धिहरुनै हावि हुनेछन् । अदालति निर्णयहरु तपाईको पक्षमा आउँने छैनन् । सोमबार साँझबाट बुधबारसम्मको समय राम्रो रहेकोले अध्ययनमा भनेजस्तो उपलब्धि हासिल गर्न सकिनेछ भने अध्ययनकै सवालमा लामो दूरीको यात्रा हुनेछ । परिवार तथा सन्तानले व्यापारमा सहयोग गर्ने हुनाले मनग्ये धन आर्जन गर्न सकिनेछ । सेवामुलक काम वा शिक्षा क्षेत्रको कामबाट मनग्ये धन आर्जन गर्न सकिनेछ । प्रेममा रमाउँन चाहनेहरुका लागी समय राम्रो रहेको छ ।

कुम्भ (गू,गे,गो,सा,सी,सू,से,सो,दा) : साताको सुरु र अन्तको समय राम्रो रहेकोले आफ्नै मेहनतले व्यवसायमा फड्को मार्न सकिनेछ । लगनशिलताको साथ गरिने कामको उच्च मुल्याङकन हुनेछ । दाजुभाई तथा छिमेकीसँगको सम्बन्ध सुधार गर्दै नयाँ कामहरु गर्न सकिनेछ । प्रतिस्पर्धीहरु सहयोगी बन्नेछन् भने कनैपनि प्रतिस्पर्धामा तपाईको नाम अग्र स्थानमा आउनेछ । बुद्धिको प्रयोग गरी अरुलाई प्रभावित पार्न सकिनेछ । आफन्त तथा सन्तानको साथ पाइने तथा उनीहरुको प्रगतिमा मन रमाउँनेछ । मनमुटुमा राखेको मानिसबाट उपहार प्राप्त हुँदा तपाईभन्दा खुसी अरु कोहि हुने छैनन् । आफन्त तथा साथीभाईसँग राय नमिल्दा दैनिक कामहरु प्रभावित हुन सक्छन् । मंगलबार र बुधबारको समय मध्यम रहेकोले राजनीति तथा समाजसेवामा समय खर्चिनेहरुले काम गर्दा ध्यान दिनुहोला । निर्णय गर्न नसक्दा हातमा आईसहेको काम अरुले नै फुत्काउँनेछन् । घरजग्गा तथा सवारी साधनको प्रयोग गर्दा ध्यान दिनुहोला । विवाद तथा किचलो हुनसक्छ ।

मीन (दी,दू,थ,झ,ञ,दे,दो,चा,ची) : व्यापार बढ्नुको साथै आम्दानीमा बढोत्तरीको योग रहेको छ । पारिवारिक जमघटमा मिष्ठान्न भोजन ग्रहण गर्ने अवसर जुर्नुको साथै रमाईलो वातावारणमा समय व्यातित गर्न सकिनेछ । गायन तथा कलाकारितामा समय लगानी गर्नेहरुले नाम तथा दाम दुवै कमाउँन सक्नेछन् । सोमबार साँझबाट न्यायालयसँग सम्बन्धित कामहरु थाती राख्नुहोला । खेलकुद तथा पराक्रमी क्रियाकलापमा भाग लिने अवसर आएपनि भनेजस्तो नतिजा निकाल्न मुस्किल पर्नेछ । बन्धुबान्धवहरुसँग मनमुटाव सिर्जना हुनेछ भने सैद्धान्तिक राय बाजिनेछ । चोटपटक लाग्ने तथा स्वास्थ्यमा समस्या देखापर्नेछ । घरेलु समस्याले सताउँने तथा आमाको स्वास्थ्यमा खराबी आउँन सक्छ । आफन्त तथा आफ्नो भन्नेहरुले तपाईको काममा बाधा तथा अवरोध गर्नेछन् । पढाइ लेखाइ सुस्त गतिमा अगाडि बढ्नेछ । कृषि, सहकारी तथा पशु चौपायाको व्यवसाय फस्टाएर जानेछ । राजनीतिकर्मिका लागि समय अन्य दिन भन्दा मध्यम रहेको छ ।

तपाईको दिन शुभ रहोस ।
ज्यो दुर्गा भण्डारी ।