मोहमद सलाहालाई पछि पार्दै मानेको पोल्टामा ‘अफ्रिकन प्लेयर अफ दी ईयर’ अवार्ड

एजेन्सी । लिभरपुलका फरवार्ड साडियो मानेले अफ्रिकन प्लेयर अफ दी ईयर अवार्ड हात पारेका छन् ।

मानेले लिभरपुलका सहकर्मी मोहमद सलाहा र म्यान्चेष्टर सिटीका फरवार्ड तथा अल्जेरियन विङ्गर रियाद महरेजलाई पछाडी पार्दै अफ्रिकन बर्ष खेलाडी हात पारेका हुन् । मानेले गत सिजन लिभरपुललाई च्याम्पियन्स लिगको उपाधि दिलाउन पुरा सिजनमा ३० गोल गरेका थिए ।

मानेले अवार्ड हात पारेसँगै आफु निकै खुसी महशुश गरेको बताएका छन् र मेरो परिवार, राष्ट्रिय टिम, सहकर्मी अफिसियल, लिभरपुल क्लबलाई धन्यबाद भनेका छन् ।

माने पछिल्लो तीन बर्ष शीर्ष तीन खेलाडीको रुपमा पर्दै आएका थिए । यसअघिको दुई संस्करणको अवार्ड भने लिभरपुल स्टार सलाहाले प्राप्त गरेका थिए ।

त्यस्तै महरेजले वर्ष गोलको अवार्ड हात पार्न सफल रहे ।