फेरि चुलियो सुनको मूल्य, कति पुग्यो?

काठमाडौं । नेपाली बजारमा आज पुनः सुनको मूल्य बृद्धि भएको छ । सोमबार प्रतितोला छापावाला सुनको मूल्य ७६ हजार कायम भइ नयाँ रेकर्ड बनाएको थियो । साथै मंगलवार तोलामा ५ सयले कमि भइ प्रतितोला सुन ७५ हजार ५ सय रहेको थियो । तर आज पुनः तोलामा १ हजारले बृद्धि भइ प्रतितोला सुनको मूल्य ७६ हजार ५ सय रहेको नेपाल सुन चाँदी व्यवसायी महासंघले जनाएको छ । साथै आज तेजावी सुनको मूल्य ७६ हजार २ सय रहेको छ ।

त्यस्तै आज चाँदीको मूल्यमा पनि तोलामा २० रुपैयाँले बृद्धि भएको छ । मंगलबार प्रतितोला चाँदीको मूल्य ९ सय रहेको थियो । तर आज मूल्य बृद्धि भइ प्रतितोला चाँदी ९ सय २० कायम भइ कारोबार भइरहेको महासंघले जनाएको छ ।