सल्यानमा हायस दुर्घटना : १८ यात्रु घाइते, ५ को अवस्था गम्भीर

काठ्माडौं । सल्यानमा सवारी दुर्घटना हुँदा १८ जना घाइते भएका छन् । घाइतेमध्ये ५ जनाको अवस्था गम्भीर रहेको प्रहरीले जनाएको छ।

बिहीबार बिहान सुर्खेतबाट जाजरकोटको लागि छुटेको भे १ ख २५७३ नम्बरको काक्रेबिहार यातायातको हायस छिन्चु जाजरकोट सडकखण्डअन्तर्गत सल्यानको बनगाड कुपिण्डे नगरपालिका ११ को बालुवामा दुर्घटना भएको हो ।

हायस सडकभन्दा १५० मिटर तल खेतमा खसेको प्रहरीले जनाएको छ। प्रहरीका अनुसार घाइते सबैजनालाई उपचारका लागि नेपालगन्ज लगिएको छ।