एजेन्सी । मीनाक्षी शेषाद्री सन् १९९० तिरकी चर्चित अभिनेत्री हुन् । उनले आफ्नो क्यारेक्टर र सुन्दर अनुहारका कारण धेरै चर्चा कमाएकी थिइन् ।
उनी अहिले फिल्म इन्डस्ट्रीबाट टाढा रहेकी छिन् । अहिले उनी एकाएक चर्चामा आएकी छिन् । उनी ड्राइभिङ्ग लाइसेन्सको रिन्युका लागि लामो घण्टासम्म लाइनमा बसेकी थिइन् ।
तर उनलाई कसैले पनि लाइनमा घण्टौँ बस्दा समेत चिन्न् सकेनन् । कसैले चिन्न नसकेपछि उनलाई आश्चर्य लागेर उनले ट्विटर अकाउण्टमा केहि तस्बिर शेयर गरिेकी छिन् ।
उनले सामाजिक सञ्जाल ट्विटरमा तीन तस्बिर पोस्ट गरेकी छिन् । साथै उनले पोस्टमा ‘म ड्राइभिङ्ग लाइसेन्सको रेन्यु गर्न लाइनमा बसिरहेकी छु ।’
उनले तस्बिरसहितको पोस्टमा रेन्युका लागि ६ घण्टा सम्म लाइन बस्दा पनि पालो नआएको बताएकी छिन् । मिनाक्षी शेषाद्रीले उक्त ट्विट पछि अर्काे ट्विट गर्दै लेखेकी छिन्, ‘मैलै ८ घण्टा लामो लाइन बस्दा पनि मलाई कसैले चिन्न सकेनन्’ । उनले भनेकी छिन् सायद यो अमेरिका भएर होला ।
यो खबर पढेर तपाईलाई कस्तो महसुस भयो ?
प्रतिक्रिया