काठमाडौं । कुनै पनि सामान किन्नको लागि हामीलाई बजार जानुपर्छ । बजारमा हामीले खानेकुरा र कपडाहरु मात्र किन्ने गरेका छौँ । तर के तपाईलाई बजारमा दुलही किन्न पाइने कुरा थाहा छ ? सायदै छैन होला । तर एक अन्तर्राष्ट्रिय सञ्चारमाध्यामका अनुसार बुल्गेरियामा एउटा यस्तो बजार छ जहाँ दुलही किन्न पाइन्छ ।
बुल्गेरियाको उक्त बजारमा बरु अन्य सामान किन्न नपाइएला तर राम्री दुलही खोज्यो भने बजारमा अवस्य पाइन्छ ।
संसारकै अनौठो एकमात्र यो बजार बुल्गेरियाको स्टारा जागोर नामक ठाउँमा लाग्ने गर्छ । यो बजारमा युवतीहरु राम्री बनेर आ-आफ्ना अभिभावकसँग आउने गर्छन् ।
साथै पुरुषहरु पनि दुलही किन्नका लागि त्यहाँ आउँने गर्छन्,र आफूलाई मन परेको दुलहीलाई किनेर लिएर जान्छन् ।
यो बजार वर्षमा जम्मा ३ पटक मात्र लाग्छ ।
बजारमा बिभिन्न उमेर समुहका मानिसहरु आफ्नो पार्टनर खोज्नका लागि आउँने गर्छन् । आफूलाई मन परेको मानिसहरुसँग उनीहरु कुराकानी गर्छन् र किनेर लिएर जान्छन् । तर यो बजारको रहस्य भने फरक छ ।
उक्त बजारमा अभिभावकहरुले विवाह गर्न नसकेका छोराछोरीहरुलाई विवाह गर्नका लागि मनाउनु यो बजारको लक्ष्य रहेको छ ।
त्यसैले बुल्गेरियाको यो अनौठो बजार विश्वका लागि अनौठो र प्रसिद्ध छ । एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया