काठमाडौं । विश्वकै सर्वाधिक लोकप्रिय खेल फुटबलले पूरै विश्वको ध्यान आफूमा केन्द्रित गरेको छ । यो निकै रोचक हुने र सजिलै बुझिने खेल भएकोले बालबालिकादेखि वृद्धवृद्धासम्मै हुन्छन्, यो खेलका दर्शक । फुटबलकै कारण विश्वभर विख्यात खेलाडीले आफ्नो खेलको जादुबाट करोडौं फ्यान कमाएका छन् । हरेक पटक को विश्वकै सर्वाधिक महङ्गो खेलाडी भन्ने विषयमा फ्यानहरुबचि चर्का चर्की पर्ने गर्दछ । सीआईइएस फुटबल अब्जरभेटरीले सार्वजनिक गरेको सर्वाधिक महङ्गा खेलाडीको सूची यस्तो छ :
१०) लाउटारो मार्टिनेज
अर्जेन्टिनाका स्ट्राइकर लाउटारो मार्टिनेज सीआईइएस फुटबल अब्जरभेटरीले सार्वजनिक गरेको सर्वाधिक महङ्गा खेलाडीको सूचीको दसौं स्थानमा अटाएका छन् । दशौँ स्थानका लाउटारो मार्टिनेजको मूल्य ११५.७ मिलियन पाउण्ड रहेको छ । उनी हाल इन्टर मिलान क्लबसँग आवद्ध छन् ।
९) एन्टोनियो ग्रीजम्यान
फ्रान्सका फरवार्ड एन्टोनियो ग्रीजम्यानले सर्वाधिक महङ्गा खेलाडीको सूचीमा कब्जा जमाएका छन् । २८ वर्षिया ग्रीजम्यानको मूल्य १२३.६ मिलियन पाउण्ड रहेको छ । उनी हाल बार्सिलोना क्लबमा आवद्ध छन् ।
८) लियोनल मेस्सी
अर्जेन्टिनाका फरवार्ड लियोनल मेस्सी सर्वाधिक महङ्गा खेलाडीको सूचीमा आठौं स्थानमा परेका छन् । बार्सिलोनाका कप्तान लियोनल मेस्सीको मूल्य १२५.५ मिलियन पाउण्ड रहेको छ ।
७) मार्कुस राष्फोर्ड
म्यान्चेस्टर युनाइटेडका फरवार्ड मार्कुस राष्फोर्ड सर्वाधिक महङ्गा खेलाडीको सूचीको सातौं स्थानमा अटाएका छन् । २८ वर्षिया मार्कुस राष्फोर्डको मूल्य १३४.३ मिलियन पाउण्ड रहेको छ ।
६) ह्यारी केन
इङ्ग्ल्यान्डका स्ट्राइकर ह्यारी केन सर्वाधिक महङ्गा खेलाडीको सूचीको छैटौं स्थान रहेका छन् । छैटौं स्थानका ह्यारी केनको मूल्य १५०.५ मिलियन पाउण्ड रहेको छ । २६ वर्षिया ह्यारी केन हाल टोटेनहम हटस्पुरमा आवद्ध छन् ।
५) साडियो माने
लिभरपुलका साडियो माने सर्वाधिक महङ्गा खेलाडीको सूचीको पाँचौं स्थानमा परेका छन् । उनी इङ्ग्ल्यान्डका स्ट्राइकर ह्यारी केनलाई पछि पार्दै साडियो माने पाँचौं स्थान रहेका छन् । सेनेगलका साडियो मानेको मूल्य १५५.६ मिलियन पाउण्ड रहेको छ ।
४) जाडोन सान्चो
बोरुसिया डर्टमण्डका मिडफिल्डर जाडोन सान्चो सर्वाधिक महङ्गा खेलाडीको सूचीको चौंथो स्थानमा पर्न सफल भएका छन् । बोरुसिया डर्टमण्डका १९ वर्षिया जाडोन सान्चोको मूल्य १६८.९ मिलियन रहेको छ ।
३) मोहम्मद सलाह
लिभरपुलका फरवार्ड सर्वाधिक महङ्गा खेलाडीको सूचीको तेस्रो स्थानमा रहेका छन् । २७ वर्षिया मोहम्मद सलाहको मूल्य १७५.१ मिलियन पाउण्ड रहेको छ ।
२) रहिम स्ट्रलिङ
म्यानचेस्टर सिटीका मिडफिल्डर रहिम स्ट्रलिङ सर्वाधिक महङ्गा खेलाडीको सूचीको दोस्रो स्थानमा रहेका छन् । दोस्रो स्थानमा रहेका स्ट्रलिङको मूल्य २२३.७ मिलियन रहेको छ ।
१) केलियन एमबाप्पे
फ्रान्सका यूवा फरवार्ड एमबाप्पेले लिभरपुलका मोहमद सलाह र म्यानचेस्टर सिटीका रहिम स्ट्रलिङलाई पछि पार्दै सर्वाधिक महङ्गा खेलाडी बनेका छन् । फुटबल अब्जरभेटरीले गरेको अध्ययन अनुसार एमबाप्पेको मूल्य २६५.२ मिलियन पाउण्ड रहेको छ ।
इटालियन क्लब युभेन्ट्सका फरवार्ड क्रिस्टियानो रोनाल्डो, पीएसजीका नेयमार र युनाइटेडका पाउल पोग्बा शीर्ष १० मा अटाएका छैनन् ।
एजेन्सी
यो खबर पढेर तपाईलाई कस्तो महसुस भयो ?
प्रतिक्रिया