काठमाडौं । प्रतिनिधि सभाकी उपसभामुख शिवमाया तुम्बाहाम्फेले पत्रकार सम्मेलनको आयोजना गर्ने भएकी छन् । उनले दिउसो १ बजे पत्रकार सम्मेलनको आयोजना गरेकीछिन् ।
नेपाल कम्युनिष्ट पार्टी (नेकपा)ले सभामुखमा अग्निप्रसाद सापकोटालाई बनाउने निर्णय गरेसँगै बाटो खुला गर्न उपसभामुखबाट राजिनामाको घोषणा गर्न पत्रकार बोलाएको नेकपा निकट नेताहरुले बताएका छन् ।
आज १ बजे प्रतिनिधि सभाको बैठक बस्दै छ । त्यसैले संसद सुचारु हुनुभन्दा अघि उनले राजिनामा दिने तयारी भएको स्रोतले जनाएको छ ।
आजको बैठक संसदका जेष्ठ सदस्य महन्थ ठाकुरले सञ्चालन गर्ने तयारी भएको संसद सचिवालयले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया