मोरङमा कलेज बस दुर्घटना हुँदा एक जनाको मृत्यु, ११ जना घाइते

काठमाडौं । मोरङमा कलेज बस दुर्घटना भएको छ । दुर्घटनामा एक जनाको मृत्यु भएको छ भने ११ जना विद्यार्थी घाइते छन् ।

बिहीबार बिहान साढे ६ बजेतिर लर्डबुद्ध कलेजका विद्यार्थी बोकेको मे १ ख १४९० नम्बर बस घनपालथान गाउँपालिका वडा नम्बर-४ रामचोकमा अनियन्त्रित भएर बस पल्टिँदा दुर्घटना भएको हो ।

दुर्घटनामा परी सहचालकसमेत रहेका बसधनी विराटनगर-१५ का ३२ वर्षीय सानु साहको मृत्यु भएको प्रहरीले जानकारी दिएको छ । घाइतेहरुको अवस्था सामान्य रहेको प्रहरीले जनाएको छ ।

दुर्घटनापछि फरार रहेका बसका चालक विराटनगर १० का खिलबहादुर खड्का पक्राउ परेका छन् ।