माघ १४ गते मंगलबारको राशिफल हेर्नुहोस्

काठमाडौ । आज मिति २०७६ साल माघ महिनाको १४ गते मंगलबार । तदनुसार इस्वी संवत २०२० जनवरी २८ तारिक । शकसंवत् १९४१ । परिधावी संवत्सर । उत्तरायन । हेमन्त ऋतु । ने।सं। ११४० पोहेलागा । माघ शुक्लपक्ष । तिथी– चतुथी,अहोरात्र । नक्षत्र– शतभिषा,०८ बजेर १० मिनेट उप्रान्त पूर्वाभाद्रपदा । योग– परिध,२६ बजेर ३५ मिनेट उप्रान्त शिव । करण– वणिज,१९ बजेर ३८ मिनेट उप्रान्त भद्रा । आनन्दादिमा मृत्य योग । चन्द्रराशि–कुम्भ, २८ बजेर ३ मिनेट उप्रान्त मीन । काठमाडौंमा सूर्योदय ६ बजेर ५४ मिनेटमा, सूर्यास्त १७ बजेर २९ मिनेटमा । दिनमान २६ घडी ५१ पला । पञ्चक । मंगल चतुर्थी व्रत । तिलकुन्द चतुर्थी । नेपाल नर्सिङ दिवस ।

मेष (चू,चे,चो,ला,लि,लू,ले,लो,अ) ः कार्यक्षेत्रमा तपाईको कामको उचित मुल्याङकन हुनेछ । व्यापार व्यवसायमा लगानि बढाइ मनग्ये धन आर्जन गर्न सकिनेछ । अग्रजहरुको सहयोगले राम्रा तथा परिणाममुखी काम गर्न सकिनेछ । अध्ययनमा भनेजस्तो नतिजा हातलागि हुनेछ । प्रेममा सामिप्यता बढेर जानेछ । ईच्छा तथा चाहनाहरु पुरा हुने समय रहेको छ ।

वृष (ई,ऊ,ए,ओ,वा,वी,वू,वे,वो) ः व्यापारबाट राम्रो आम्दानी हुने हुनाले चिताएको काम समयमा सम्पादन हुुनेछ । कृषि तथा सहकारी व्यवसाय फस्टाएर जानेछ । नोकरी पाउँने तथा बढुवा हुने योग रहेको छ । भूमि, बाहन तथा पैत्रिक सम्पत्तिमा बृद्धि हुने तथा प्राप्त हुनेछ । आफ्नै मेहनतले जीवनशैलिमा सुधार ल्याउँन सकिनेछ । माता पिताको सहयोग तथा समर्थनले कृतिमानी काम गर्न सकिनेछ । अध्ययनमा मन जाने हुनाले नतिजा आफैँतिर ल्याउँन सकिनेछ ।

मिथुन (का,की,कू,घ,ङ,छ,के,को,हा) ः शिक्षामा अलि बढी समय लगानी गर्दा मात्र नतिजा हात पार्न सकिनेछ । लामो दूरीको धार्मिक तथा शैक्षिक यात्रा भएपनि बाटोमा दुख हुन सक्छ । व्यापार व्यवसायमा प्रशस्त समय दिए मात्र आम्दानी हुनेछ । घर परिवार तथा आफन्तको विश्वास गर्दा धोका पाईनेछ । माया प्रेममा विश्वासघात हुने सम्भावना रहेको छ, ध्यान दिनुहोला । स्वास्थ्य सम्बन्धि समस्या आउँनाले दैनिक कामहरु प्रभावित हुनेछन् ।

कर्कट (ही,हू,हे,हो,डा,डी,डु,डे,डो) ः खानपान तथा मौसमको ध्यान दिनुहोला, स्वास्थ्यमा समस्या आई औषधी उपचार खर्च बढ्नेछ । धेरै समय दिएमात्र व्यापार व्यवसायमा आम्दानी गर्न सकिनेछ । सामाजिक काममा समय दिन नसकिने हुनाले जिम्मेवारी बहन नगर्नुनै ठिक हुनेछ । अध्ययनमा मन नजानाले नतिजा अरुकै पोल्टोमा पर्नेछ । प्रेममा धोका हुनेछ । भौतिक सम्पत्ति प्रयोग गर्दा ध्यान दिनुहोला ।

सिंह (मा,मी,मू,मे,मो,टा,टी,टू,टे) ः व्यापार भावमा गोचर गर्ने चन्द्रमाले फेन्सी तथा विलासी वस्तुको व्यापारबाट मनग्ये आम्दानी हुनेछ । एकल तथा साझेदारी व्यवसायमा लगानी बढाउँन सकिनेछ । व्यापारकै सिलसिलामा लामो दूरीको यात्रा हुनेछ । साथी संगी तथा ईष्टमित्रबाट उपहार प्राप्त हुनेछ । माया प्रेममा नजिक हुन सकिने तथा पति पत्निबीच विश्वासको वातावरण बढेर जानेछ । पढाइ लेखाइमा मन जाने तथा अरुलाई पछि पार्दै नतिजा आफुतिर ल्याउँन सकिनेछ ।

कन्या (टो,पा,पी,पू,ष,ण,ठ,पे,पो) ः कुनै पनि विवाद तथा प्रतिस्पर्धामा अरुभन्दा एक कदम अगाडी बढ्न सकिनेछ । शत्रु परास्त तथा पुरानो रोगबाट उन्मुक्ति पाइनेछ । नियम संगत गरेका काममा हुने फैसला तपाईकै पक्षमा हुनेछन् । नोकरीमा बढुवा हुने योग रहेको छ । प्रेममा सामिप्यता बढ्ने तथा भेटघाटमा समय व्यतित हुनेछ । पछि लाभ हुने काम सुरु गर्न सकिनेछ । पढाइ लेखाइमा मन जाने हुनाले अरुभन्दा अग्र स्थानमा तपाईको नाम आउँनेछ । खर्च बढेपनि उपलव्धिमुलक कामहरु हुनेछन् ।

तुला (रा,री,रु,रे,रो,ता,ती,तू,ते) ः समय गतिसँगै चल्न ससक्दा अरुभन्दा पछि परिनेछ । पढाइ लेखाइमा मन नजाँदा पुरस्कार तथा प्रशसापत्र अरुकै हातमा जानेछ । प्रेममा अविश्वास सिर्जना नहोला भन्न सकिन्न । अग्रज तथा गुरुवरको सुझावलाई शिरोधार्य गर्दै अगाडी बढ्नुहोला । व्यापारमा लगानी गरे अनुसार प्रतिफल पाउँन निकै नै मेहनत गर्नुपर्नेछ ।

वृश्चिक (तो,ना,नी,नू,ने,नो,या,यी,यू) ः सजक नबन्दा आफन्त टाढिनेछन् भने अध्ययन तथा कामको सिलसिलामा लामो दूरीको कष्टकर यात्राको तय गर्नुपर्दा मन खिन्न हुनेछ । व्यापारमा मन्दि आउँने भएपनि कृषि तथा पशुपालन व्यवसाय फस्टाएर जानेछ । सवारी साधनको प्रयोग गर्दा ध्यान दिनुहोला । छोटो समयका लागि हेरिने फाइदाले पछिलाई घाटा हुन सक्छ । योजनाहरु तत्काल सार्वजनिक नगर्नुनै उत्तम हुनेछ ।

धनु (ये,यो,भा,भी,भू,ध,फा,ढा,भे) ः आँट, शाहस तथा पराक्रममा वृद्धि भएर जाने हुनाले पुरुषार्थी काम गरेर नाम तथा दाम दुवै कमाउँन सकिनेछ । न्यायिक निर्णयहरु तपाईकै पक्षमा हुनेछन् । उद्योग तथा उत्पादन मुलक क्षेत्रमा लगानी गरी आम्दानी बढाउँन सकिनेछ । लेखन, कला तथा साहित्यको क्षेत्रमा कलम चलाउँनेहरुका लागि समय फलदायी रहेको छ । प्रेममा सामिप्यता बढेर जानेछ ।

मकर (भो,जा,जी,जू,जे,जो,ख,खी,खू,खे,खो,गा,गी) ः व्यवसायमा लगानी गर्नको लागि केहि समय कुर्नू नै रम्रो हुनेछ । व्यापारमा उधारो लानेहरु बढ्नेछन् । आफन्त तथा अग्रजहरुसँग घरायसी कुरामा राज बाजिनेछ । विद्यामा अरुभन्दा पछि परिने तथा नतिजा आफूँतिर ल्याउन निकै मेहनेत गर्नु पर्नेछ । कार्यक्षेत्रमा खुट्टा तान्नेहरु तथा आलोचना गर्नेहरु सक्रिय हुनेछन्, ध्यान दिनुहोला । प्रेममा अविश्वास तथा शंका बढ्ने योग रहेको छ ।

कुम्भ (गू,गे,गो,सा,सी,सू,से,सो,दा) ः पुराना कमिकमजोरी सुधार्दै नयाँ काममा हात हाल्न सकिनेछ । पारिवारिक माहोलमा जमघट भई मिष्ठान्न भोजन ग्रहण गर्ने अवसर आउँनेछ । माया प्रेममा रमाइलो गर्दै समय व्यतित हुनेछ । घर परिवार तथा आफन्तको सद्भाव तथा सहयोग पाइने हुनाले मन प्रशन्न हुनेछ । व्यापार व्यवसाय फस्टाएर जाने हुनाले आर्थिक अवस्था सुदृड हुनेछ । राजनीतिज्ञको लागि समय राम्रो रहेको छ ।

मीन (दी,दू,थ,झ,ञ,दे,दो,चा,ची) ः आफन्त तथा साथीभाईबाट टाढिनु पर्दा मन खिन्न हुनेछ । धोका दिने तथा आशा देखाउँनेहरु सक्रिय हुनेछन् । कार्यक्षेत्रमा आलोचना गर्नेहरुबाट सजक रहनुहोला । स्वास्थ्यको ख्याल गर्नुहोला, औषधि उपचार खर्च बढ्नेछ । अध्ययनमा मन नजाँदा अरुभन्दा पछि परिनेछ । तर पनि लामो दूरीको यात्रा हुने तथा विदेशी सामानको व्यापार फस्टाएर जानेछ ।

तपाईको दिन शुभ रहोस् ।
ज्यो दुर्गा भण्डारी ।