सुर्खेतमा टिप्परको ठक्करबाट एक जनाको मृत्यु

सुर्खेत । सुर्खेतमा टिप्परको ठक्करबाट एक जनाको मृत्यु भएको छ ।

विरेन्द्रनगर ४ गौतम चोक नजिकै भे १ ख २२४२ नम्बरको टिप्परले मोटरसाइकललाई ठक्कर दिँदा मोटरसाइकल चालक कालिकोट महावै गाउँपालिका-३ सिमखेत घर भएका २० वर्षीया केशर सिंहको घटनास्थलमै मृत्यु भएको हो ।

प्रत्यक्षदर्शीका अनुसार मोटसाइकल साइड लाउन खोज्दा निकै स्पिड्मा आएको टिप्परले पछाडीबाट ठक्कर दिएर घटना हुन पुगेको बताइएको छ । अहिले घटनास्थल वरपर सडक अवरुद्ध रहेको प्रहरीले जनाएको छ । टिप्पर र टिप्पर चालकलाई प्रहरीले नियन्त्रणमा लिएको छ ।