काठमाडौं । भ्यालेनटाइन डेको अवसरमा ‘कतार स्पोर्टस् डे’ तथा ‘भ्यालेन्टाइन इभ’ हुने भएको छ ।
कार्यक्रम सांगीतिक कार्यक्रमको आयोजनासहित फ्रेब्रुअरी १२ र १३ मा कतारको ‘एसिएन दोहोरी तथा गजल’ नामक क्लबमा आयोजना हुने भएको हो ।
कार्यक्रममा हाल सर्वाधिक चर्चित लोक तथा दोहोरी गायक प्रकाश सपुत तथा गायिका प्रीति आलेले प्रस्तुती दिने जनाइएको छ । त्यस्तै, बुगीउगीका रविन भुजेल, सावित्री तामाङ, सोनु गुरुङलगायतले आफ्ना प्रस्तुती दिने जानकारी दिइएको छ ।
कतारको दोहामा रहेको एसिएन क्लब मिठा परिकार तथा संगीतिक कार्यक्रमका लागि त्यहाँ रहेका नेपाली माँझ प्रख्यात रहेको क्लबका सञ्चालक प्रविण गुरुङले बताए ।
युवा समाजसेवी समेत रहेका गुरुङका अनुसार यस कार्यक्रमको उद्देश्य मनोरञ्जन प्रदान गर्नुका साथै नेपाल भ्रमण वर्ष २०२० का लागि सहयोग गर्नु रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया