आकासमै बच्चा जन्मिएपछि जे भयो

दोहाबाट बैंककका लागि उडानमा रहँदा एक थाई महिलाले बच्चा जन्माएकी छिन् ।

कतार एअरवेजको विमानमा रहेका समय व्यथा लागेपछि विमानका कर्मचारीको सहयोगमा ती महिलाले मङ्गलबार बिहान करिब तीन बजे बच्चा जन्माएकी थिइन् ।

विमान कम्पनीले महिलाको नाम सार्वजनिक गरेको भने छैन । विमानमा नै बच्चा जन्मिएपछि चालकले विमानलाई भारतको कलकत्तामा नै आकस्मिक अवतरण गरेको बताइएको छ ।
विमान अवतरणपछि महिला र बच्चा दुबैलाई कलकत्तास्थित एक निजी अस्पतालमा भर्ना गरिएको छ ।
आमा र बच्चा दुबैको स्वास्थ्य सामान्य रहेको समाचारमा जनाइएको छ ।