शुसानको आक्रामक बलिङमा टिकेनन् ओमानका खेलाडी

काठमाडौं । आईसीसी विश्वकप क्रिकेट लिग-२ अन्तर्गत पहिलो खेलको रुपमा नेपालले अहिले ओमानसँग प्रतिस्पर्धा गरिरहेको छ ।

टियु क्रिकेट मैदानमा टस जितेर नेपाल पहिले बलिङ गरिरहेको छ ।

नेपालले छैटौं सफलता हात पारेको छ । सन्दीप गउद ३३ रनमा आउट भएका छन् । डेब्यु खेलमा शुसानले ३ विकेट लिएका छन् । ३९ ओभरको खेल सकिदा नेपालविरुद्ध ओमानले ६ विकेट गुमाएर ११८ रन जोडेको छ ।

ओमानले विश्वकप लि-२ अन्तर्गतको ६ खेल खेलीसकेको छ । ६ खेलमा ४ जित सहित ८ अंक बटुलेको ओमान अंक तालिकाको चौथो स्थानमा रहेको छ ।

सिरिजमा उसले बलियो टिम स्कटल्याण्ड, पीएनजी र युएईलाई पराजित गरिसकेको छ ।

२४ वर्षे क्रिकेट इतिहासमा नेपालले पहिलो पटक घरेलु मैदानमा एकदिवसीय अन्तराष्ट्रिय क्रिकेट खेलिरहेको हो । आईसीसी विश्वकप क्रिकेट लिग-२ अन्तर्गत नेपालको यो पहिलो खेल समेत हो ।