मन्त्रिपरिषद बैठक सकियो, के भयो निर्णय ?

काठमाडौं – सोमबार दिउँसो बसेको मन्त्रिपरिषद् बैठक सकिएको छ । बैठकले नेपाल प्रहरी महानिरीक्षक कसलाई बनाउने भन्ने विषयमा टुंगो लगाउने बताइएतापनि प्रहरी महानिरीक्षक नियुक्त गर्न भने सकेन ।

अहिलेका आईजीपी सर्वेन्द्र खनालसहित तीन एआईजी र उनका ब्याचका डीआईजीहरुले सेवाहदका कारण मंगलबारबाट अवकाश पाउँदै गरेका कारण प्रहरी महानिरीक्षक कसलाई नियुक्त गर्ने भन्ने विषय आजको मन्त्रिपरिषद्ले टुंगो लगाउने स्रोतले बतायो । अब अर्को बैठकमा मात्रै यस विषयमा टुंगो लाग्नेछ ।

प्रहरी नायब महानिरीक्षक (डीआईजी) ठाकुर ज्ञवाली र तारिणीप्रसाद लम्साल प्रहरीको नेतृत्व गर्ने दौडमा छन् ।