चोरि गरेको १ करोडको सुनसहित ३ भारतीय नागरिक पक्राउ

ललितपुर । एक करोड बराबरको सुनसहित तीन जना भारतीय नागरिक पक्राउ परेका छन् । ललितपुरको पुलचोकस्थित एक सुन पसलबाट लुटेको सुनसहित उनीहरुलाई पक्राउ गरिएको महानगरीय प्रहरी परिसर ललितपुरका एसएसपी टेकबहादुर राईले जानकारी दिएका छन् ।

अपराध महाशाखा ललितपुर र महानगरीय प्रहरी प्रभाग पुल्चोकको टोलीले उनीहरुलाई सतुंगल तथा थानकोटबाट पक्राउ गरेको हो ।  एसएसपी राईका अनुसार साताअघि रातको समयमा पसल फोडेर ‘सेफ’ चोरी गरेर भागेका थिए ।

उनीहरुलाई पक्राउ गरि अनुसन्धान भइरहेको एसएसपी राईले बताएका छन् ।