नेपाली सेनाको गाडी दुर्घटना हुँदा एक जनाको घटनास्थलमै मृत्यु भएको छ। सेनाको आवश्यक बम र हतियार लिएर बुटवल जान लागेको गाडी सडकबाट करिब ५ सय मिटर तल खस्दा ६ जना घाईते भएका छन् । घाईते ६ जनामध्ये ३ जनाको अवस्था गम्भिर छ । सल्यानबाट दाङतर्फ जाँदै गरेको सपुत गण ब्यारेक सल्यानको लु १ ग १२३ नम्बरको गाडी कपुरकोट गाउँपालिका ३ चोरखोलामा दुर्घटना हुँदा यादवप्रसाद घरेलको घटनास्थलमा नै मृत्यु भएको हो ।
दुर्घटनाका घाइतेहरुमा मेजर ईश्वर सिलवाल, जवान रोशन हिटन र हवल्दार जय प्रकाश बोहरा रहेका छन्। अन्य तीन जना घाइतेको नाम भने नखुलेको प्रहरीले जनाएको छ । दुई जना हराइरहेका छन्। गाडी टुक्राटुक्रा भएको बताइएको छ । गाडीमा हतियार र बम भएकोले उद्दारमा निकै जोखिम छ।
उपचारका लागि काठमाडौँ ल्याउनका लागि सेनाको हेलिकोप्टर घटनास्थल पुगेको छ । थप विवरण आउन बाँकी छ ।
यो खबर पढेर तपाईलाई कस्तो महसुस भयो ?
प्रतिक्रिया