काठमाडौं । सोशल मिडियामा एक सेतो शर्ट र रातो सारी लगाउने एक वृद्ध महिलाले अंग्रेजीमा महात्मा गन्धीको बारेमा बोलेको भिडियो अहिले सामाजिक सञ्जालमा अत्याधिक भाइरल बनिरहेको छ ।
ति वृद्ध महिलाको नाम भागवनी देवी रहेको छ । भिडियोमा उनी अंग्रेजीबाट महात्मा गान्धी संसारकै महान मानिस थिए भनेर भनिरहेकी छन् ।
उनी साधारण व्यक्ति थिए, साधारण खाना खान्थे, बाख्रोको दूध पिउँथे, उनी हिन्दू र मुशलमान सबैलाई मायाँ गर्दथे त्यसैले उनी राष्ट्रका पिता हुन्, उनको समाधि रामघाटमा रहेको छ भनेर भनिरहेको सुन्न पाइन्छ ।
How many marks out of 10 for the old lady for this spoken English Test? pic.twitter.com/QmPSEd4o0L
— Arun Bothra (@arunbothra) March 1, 2020
उक्त भाइरल भिडियो आइपीएस अधिकारी अरुण बोथराले शेयर गरेका थिए । उनले भिडियो शेयर गर्दै क्याप्सनमा कांग्रेसका नेता शशि थरुरले १० मा यो भिडियो हेरेर कति अंक दिन्छन् त्यो कुरा एकदमै हेर्न लायक हुनेछ भनेर लेखेका छन् ।
कांग्रेस नेता शशि अंग्रेजीको लागि भारतमा चर्चित नेता हुन् । एक सामाजिक सञ्जाल प्रयोगकर्ताले शशिको लागि यो प्रतियोगिता एकदमै कठिन हुने बताएका छन् ।
उक्त भिडियो सामाजिक सञ्जालमा अहिले अत्याधिक तिव्र गतिले भाइरल बनिरहेको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया