काठमाडौं । चोरको बारेमा त हामीले सुनेका नै छौँ र चोरीका घटनाहरु पनि हामीले दिनहुँ जसो नै सुनि रहेका हुन्छौँ । प्रत्येक मानिसहरु चोरी हुनबाट आफ्ना सामान जोगाउन बिभिन्न उपायहरु अपनाउने गर्दछन् ।
त्यस्तै तर अनौठो खालको एउटा उपाय अमेरिकाको क्यालीफोर्नियाकी एक महिलाले पनि अपनाएकी छन् ।
अमेरिकाकी क्याटि क्यामरेना नाम गरेकी महिलाले चोरीबाट बँच्नको लागि घरबाहिर पानीको बन्दूक राखिदिइन् । उनले उक्त भिडियो सिसि क्यामेराको फूटेज फेसबुकमा शेयर गरेकी छिन् । भिडियोमा एक व्यक्ति साइकिलमा चढेर घर अगाडि आएको देखिन्छ ।
जब उनी घर अगाडि रोकिराखेको ट्रक अगाडि पुग्छन् तब उनको सामना पानीको पावरफूल जेटसँग हुन्छ । त्यसपछि शरीरमा पानी अत्याधिक फोर्सले आउन थालेपछि उनी त्यहाँबाट भाग्दछन् ।
सोशल मिडियामा उक्त महिलाको अत्याधिक तारिफ भईरहेको छ । महिलाले उक्त भिडियो शेयर गर्दै पोस्टमा केहि दिन यता गाउँमा चोरी भएका धेरै घटना बाहिर आएको र आफू चोरी हुनबाट बँच्न यसतो टेक्निक अपनाएको बताएकी छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया