वीरगञ्ज । १२ वर्ष अघि बारामा हत्या भएका पत्रकार वीरेन्द्र साहका हत्या आरोपीलाई प्रहरीले पक्राउ गरेको छ । एभिन्युज टेलिभिजनमा कार्यरत शाहका हत्या आरेपी कुन्दन फौजदारलाई प्रहरीले आइतबार पक्राउ गरेको हो ।
कुन्दनलाई आइतबार विहान २ बजे बारागढी गाउँपालिकाको गडहलस्थित उनकै गाउँबाट पक्राउ गरिएको प्रहरीले जनाएको छ ।
उनलाई पक्राउ गर्न प्रहरीले ४ राउण्ड गोलि चलाएको बाराको प्रहरी प्रमुख प्रहरी उपरीक्षक कृष्ण पंगेनीले बताए । फौजदारमा समर्थकले उनलाई पक्राउ गर्न प्रहरीले गोलि चलाएको हो ।
आरापी फौजदार १२ वर्षदेखि फरार थिए । साहलाई २०६४ असोज १८ गते पिपरा बजारबाट अपहरण गरी हत्या गरिएको थियो । शान्ति सम्झौतामा आइसकेको तत्कालीन नेकपा (माओवादी) मा संलग्न कुन्दन नेतृत्वको टोलीले हत्या गरेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया