काठमाडौं । इन्टरनेटमा हरेक दिन लाखौँ भिडियो पोस्ट हुने गर्दछन् । ति मध्ये केहि भिडियो देखे पछाडि पनि त्यसलाई विश्वास गर्न असहज हुन्छ ।
त्यस्तै एक भिडियो अहिले सामाजिक सञ्जालमा भाइरल बनिरहेको छ । यो भाइरल भिडियोमा एक कुकुर आफ्नो मालिकका साथमा २ हजार फिट अग्लो चट्टानबाट छलाङ लगाएको देख्न सकिन्छ ।
यो भिडियो स्विट्जरल्याण्डस्थित लटरब्रुन्नन भ्यालीको हो । त्यहाँ २ हजार फिट अग्लो चट्टानबाट एक व्यक्ति आफ्नो कुकुरसँग जम्प गरिरहेको देख्न सकिन्छ ।
उक्त व्यक्तिको नाम ब्रुनो भलेन्टे रहेको छ । ३८ वर्षका ब्रुनो आफ्नो ६ वर्षको कुकुरको साथमा चट्टानबाट दौडिन्छन् र प्यारासुटको सहयोगबाट सफलतापूर्वक ल्यान्डिङ गर्दछन् ।
यो भाइरल भिडियो ब्रुनोका साथी जोक सोमरले रेकर्ड गरेका हुन् । उक्त कुकुर संसारकै सबैभन्दा भाग्यशाली जनावर भएको सोमर बताउँछन् ।
ब्रुनो र उक्त कुकुर एकसाथ अहिलेसम्म ४० भन्दा धेरै ठाउँमा यस्तो गरिसकेका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया