कोरोना भाईरसको प्रभाव बास्केटबलमा, अमेरिकी खेलाडी क्रिस्टियनलाई कोरोना संक्रमण

काठमाडौं । अमेरिकाका बास्केटबल खेलाडी क्रिस्टियन वुडलाई कोरोना भाईरसको संक्रमण देखिएको छ । एनबीए क्लब डेट्रोइट पिस्टोन्सका खेलाडी वुडमा कोरोनाको संक्रमण देखिएको हो ।

पिस्टोन्सले एक विज्ञप्ति निकाल्दै वुडलाई कोरोनाको संक्रमण पोजिटिभ देखिएको र उनी अहिले आईसोलेसनमा रहेको जनाएको छ ।

कोरोनाबाट संक्रमित हुने वुड तेस्रो बास्केटबल खेलाडी हुन् । यस अघि रुडी गोबर्ट र डोनोभान मिचेलमा कोरोनाको संक्रमण देखिएको थियो ।

कोरोना भाईरसको कारण अमेरिकामा सबै खेलकुद गतिविधि बन्द गरिएको छ । एजेन्सी