करिब २३ लाखको सुनसहित भारतीय नागरिक पक्राउ

काठमाडौं । प्रहरीले एक भारतीय नागरिकबाट बिल तथा कागजात नभएको ३ सय ९८ ग्राम सुन बरामद गरेको छ ।

ना १ ज ५०६० नम्बरको टाटासुमो गाडीमा सवार भारतको कलकत्ता दासपुर थाना घर भएका वर्ष ४५ का आशुतोष सेनापतीलाई प्रहरीले ३ सय १८ ग्राम सुनसहित नागढुंगा स्थित चेक प्वाइन्टबाट पक्राउ गरेको हो ।

महानगरीय प्रहरी प्रभाग नागढुंगा तथा महानगरीय प्रहरी वृत्त थानकोट समेतबाट खटिएका प्रहरी टोलीले गाडी चेकजाँच गर्ने क्रममा सेनापतीबाट २२ लाख २३ हजार बराबरको सुन बरामद गरेका हुन् ।

बरामद गरिएको सुनमा केही तयारी अवस्थाका गरगहना र २ थान सुनका पाता रहेका छन् ।

सुन तथा पक्राउ परेका सेनापतीलाई आवश्यक अनुसन्धानको लागि राजश्व अनुसन्धान विभाग हरिहरभवन ललितपुर पठाइएको छ ।