स्वेताले अन्नपूर्ण होटलमा ‘कान्छी म्युजिकल नाइट’ गर्ने

काठमाडौं – अभिनेत्री स्वेता खड्काले सिन्धुपाल्चोक जिल्लाको भ्याडीटोलमा निर्माणाधिन माझीबस्ती निर्माणमा सहयोग जुटाउन स्वर्गीय नायक श्रीकृष्ण श्रेष्ठको स्मृतिमा स्थापित ‘श्वेता श्री’ फाउण्डेशनले माघ २३ गते ‘कान्छी म्युजिकल नाइट २०१८’ तथा रेड कार्पेटको आयोजना गर्ने भएको छ होटल अन्नपूर्णमा आयोजना हुने कार्यक्रममा ४ फागुनबाट देशव्यापी प्रदर्शनमा आउने चलचित्रका ‘कान्छी’का युनिट सहित सांगीतिक क्षेत्रका दर्जनौं व्यक्तिहरुको सहभागीता हुने फाउण्डेशनकी अध्यक्ष श्वेता खड्काले बताइन् कार्यक्रममा श्वेतासँगै अभिनेता दयाहाङ राई, चर्चित गायिका अञ्जु पन्त, संगीतकार तथा गायक राजनराज सिवाकोटी, हाँस्यकवि शैलेन्द्र सिम्खडा, गायक युवराज चौंलागाईं, कमेडियन सन्दिप क्षेत्रीले समेत प्रस्तुति दिने बताइएको छ कार्यक्रममा गायिका माण्डवी त्रिपाठी, संगीतकार तथा गायक अर्जुन पोखरेल, गायक धर्मेन्द्र सेवन, हाँस्यव्यांग्य कलाकार जितु नेपाल, अभिनेत्री अशिष्मा नकर्मी, मरिस्का पोखरेल, जेविका कार्कीको पनि विशेष प्रस्तुती रहने फाइन्डेसनले एक बिज्ञाप्ती मार्फत जानकारी गराएको छ ।