कोरोना संक्रमित चौथो व्यक्ति इमिरेट्स एयरलाइनसको विमानबाट नेपाल आएको पुष्टि

काठमाडौं । नेपालमा कोरोना संक्रमणको पुष्टि भएका चौथो व्यक्ति संयुक्त अरब इमिरेन्टस (युएई) को दुबईबाट इमिरेट्स एयरलाइनसको विमानबाट नेपाल आएको खुलेको छ । चैत ६ गते (मार्च १९) मा २ बजेको फाइटमा उनी काठमाडौं आएको प्रारम्भिक जानकारी आएको प्रहरीले बताएको छ ।

उनी कैलालीको धनगढीका स्थानीयबासी रहेको जनाइएको छ । ती व्यक्ति गत चैत ११ गते अस्पताल भर्ना भएका थिए ।

यस्तै, काठमाडौंमा गरिएको पत्रकार सम्मेलनमा स्वास्थ्य मन्त्रालयका प्रवक्ता डा विकास देवकोटाले संक्रमित व्यक्ति ३४ वर्षका पुरुष रहेको र चैत ११ गते सेती प्रादेशिक अस्पतालमा भर्ना भएको बताएपनि थप विवरण संकलनको क्रममा रहेको बताएका थिए ।