थप ४ हजार ४९४ जनाको कोरोनाबाट मृत्यु

काठमाडौं । मंगलवार विश्वभर कोरोना भाइरसबाट थप ४ हजार ४९४ जनाको मृत्यु भएको छ । समाचारअनुसार मंगलवार मृत्यु हुनेमा अमेरिकामा सबैभन्दा धेरै छन् ।

अमेरिकामा एकैदिन १ हजार ३६ जनाले ज्यान गुमाएका भने कुल मृतकको संख्या ११ हजार ९०७ पुगेको छ । यस्तै स्पेन, इटाली, बेलायतलगायतका देशमा पनि मृत्यु दर उच्च रहेको छ ।

मंगलवार अबेरसम्म कोरोना भाइरसबाट मृत्यु हुनेको संख्या ७९ हजार नाघेको छ ।

यस्तै संक्रमितको संख्या १४ लाख नजिक पुगेको छ । हालसम्म कोरोनाबाट करिब ३ लाख निको भएका छन् ।