ब्लाइन्ड रक्सको ट्रेलर सार्वजनिक, वेनिशा बनिन् सृष्टि

काठमाडौं २३ माघ – दृष्टिविहीन सृष्टि केसीको जीवनसँग सम्बन्धित बनाएर निर्माण गरिएको चलचित्र ‘ब्लाइन्ड रक्स’ को ट्रेलर सार्वजनिक गरिएको छ । दृष्टिविहीन केसीको भूमिकामा अभिनेत्री वेनिशा हमाल छिन् । दृष्टि गुमाएकी एक युवती कसरी संघर्ष गर्दै सबैको प्रेरणा बन्छिन् भन्ने कुरालाई चलचित्रमा देखाइएको छ यम थापा र सुमन उप्रेतीले लेखेको फिल्मलाई मिलन चाम्सले निर्देशन गरेका हुन् । चलचित्रलाई निकेश लिम्बुले निर्माण गरेका हुन् । चलचित्रमा अर्पण थापा, गौरी मल्ल, अनिल केशरी शाह, बसन्त भट्ट लगायतका कलाकारले अभिनय गरेका छन् चलचित्र आगामी फागुन १८ गते रिलिज हुँदैछ