३ महिनाको विद्युत महशुल वडा कार्यालयले तिरिदिने

बैतडी । बैतडीको दोगडाकेदार गाउँपालिका वडा नं ४ ले आफ्नो वडामा भएका सम्पुर्ण दलित, गैरदलित तथा अति विपन्न परिवारको विद्युत महशुल वडाले नै तिरिदिने भएको छ ।

आफ्ना वडामा रहेका आगरिकहरुको ३ महिनाको विद्युत महशुल भुक्तानी गरिदिन लागेको हो ।

विश्वव्यापी महामारीको रुपमा फैलिएको कोरोना भाइरसको कारण यतिवेला देश लकडाउनको अवस्थामा रहेको छ ।

लकडाउनमा रहेका नागरिकहरुलाई राहत स्वरुप विद्युत महशुल भुक्तानी गरिदिन लागेको जनाइएको छ ।