कोरोना कहर : बेलायतमा मृतकको संख्या १० हजार नाघ्यो, एकैदिन ५ हजारले बढे संक्रमित

काठमाडौं । विश्वका लागि स्वास्थ्य क्षेत्रमा ठूलो चुनौति बनेको कोरोना भाइरसका कारण यो समाचार तयार पार्दा सम्म विश्वमा १ लाख १४ हजार २४७ जनाले ज्यान गुमाएका छन् भने १८ लाख५३ हजार १५५ जनलाई संक्रमण भएको छ ।

त्यस्तै ४ लाख २३ हजार ६२५ जना उपचार पछि निको भएका छन् । यसैबीच कोरोनाको महामारीले ग्रस्त बनेको बेलायतमा यो समाचार तयार पार्दासम्म १० हजार ६१२ जनाले ज्यान गुमाएका छन् ।

त्यस्तै ८४ हजार २७९ जनालाई संक्रमण भएको छ । बेलायतमा आईतवार मात्रै कोरोना भाइरसका ५ हजार २८८ नयाँ संक्रमित भेटिएका छन् ।

त्यस्तै आईतवार नै बेलायतमा ७३७ जनाले ज्यान गुमाएका छन् । यो समाचार तयार पार्दासम्म बेलायतमा १ हजार ५५९ जनाको स्वास्थ्य अवस्था गम्भीर रहेको छ ।