नेपालमा थप ७ जनामा कोरोना संक्रमण पुष्टि, संक्रमित १०९ पुगे

काठमाडौं । नेपालमा थप ७ जनामा कोरोना भाइरसको संक्रमण पुष्टि भएको छ । यो सँगै नेपालमा जम्मा कोरोना संक्रमितको संख्या १०९ पुगेको छ ।

आज राष्ट्रिय जनस्वास्थ्य प्रयोगशाला, काठमाडौं र कोशी अस्पताल विराटनगरको प्रयोगशालामा गरिएको परिक्षणमा थप ७ जनालाई कोरोनाको संक्रमण पुष्टि भएको स्वास्थ्य मन्त्रालयले जनाएको छ ।

उदयपुर भुल्के निवासी १८, ४५ र ६५ वर्षका महिला र पर्सा निवासी १७, १८ र १८ वर्षका पुरुषहरुमा कोरोना संक्रमण पुष्टि भएको हो । साथै अन्य एक जना भने पर्सा छपकैया निवासी १ वर्षका पुरुष रहेको स्वास्थ्य मन्त्रालयल जनाएको छ ।

प्राप्त समाचारका अनुसार उनीहरुको स्वास्थ्य अवस्था सामान्य रहेको र उनीहरु स्वास्थ्यकर्मीको निगरानीमा रहेको बताइएको छ ।