कैलालीमा यात्रुबस दुर्घटना हुँदा दुई दर्जन बढी घाइते

टीकापुर, ५ फागुन । कैलालीको गोदावरी नगरपालिका १३ अत्तरियानजिकै भएको यात्रुबस दुर्घटनामा दुई दर्जन बढी यात्रु घाइते भएका छन् टीकापुरबाट धनगढी जाँदै गरेको कर्णाली यातायातको ना ४ ख ८६३६ नम्बरको बस दुर्घटनामा परेको हो । इलाका प्रहरी कार्यालय अत्तरियाले घाइतेमध्ये तीन जनाको अवस्था गम्भीर रहेको जनाएको छ घाइते भएकाहरुको पद्मा अस्पताल अत्तरियामा उपचार भइरहेको छ । दुर्घटना के कारणले भएको हो भन्नेबारेमा केही खुल्न सकेको छैन ।