काठमाडौं । वि.सं. २०७७ आषाढ १८ गते । बिहीवार । इ.स.२०२० जुलाई ०२ तारिक । शकसंवत् १९४२ । प्रमादी संवत्सर । उत्तरायण । ग्रीष्म ऋतु ।
ने.सं. ११४० बछलागा । आषाढ शुक्लपक्ष । तिथी– द्वादशी,१४ बजेर ४१ मिनेट उप्रान्त त्रयोदशी । नक्षत्र–अनुराधा,२५ बजेर २३ मिनेट उप्रान्त ज्येष्ठा,२६ बजेर ३८ मिनेट उप्रान्त । योग साध्य,०९ बजेर ०७ मिनेट उप्रान्त शुभ ।
करण– बालव,१४ बजेर ४१ मिनेट उप्रान्त कौलव,२५ बजेर ४२ मिनेट उप्रान्त तैतिल । आनन्दादिमा–आनन्द योग ।
चन्द्रराशि–बृश्चिक । काठमाडौंमा सूर्योदय ५ बजेर १३ मिनेटमा, सूर्यास्त १९ बजेर ०१ मिनेटमा । दिनमान ३४ घडी ३० पला । तुलसीपिये । खेलकूद प्रत्रकार दिवस । प्रदोशव्रतम् ।
मेष (चू,चे,चो,ला,लि,लू,ले,लो,अ)
व्यापार व्यवसायमा लगानी गर्नको लागि केहि समय कुर्नु नै उत्तम हुनेछ । काम गर्दा ध्यान दिनुहोला ऋण तथा संकटको सामना गर्नुपर्ने हुनसक्छ ।
मन परेको मानिस टाडिने हुँदा मन खिन्न हुनेछ । आफन्त तथा दिदिबहिनीसँग मनमुटाव सिर्जना हुने योग रहेको छ ।
पढाई लेखाईमा मेहनेत गर्दामात्र नतिजा हात पार्न सकिनेछ । भौतिक सम्पत्तीको प्रयोग गर्दा ध्यान दिनुहोला ।
वृष (ई,ऊ,ए,ओ,वा,वी,वू,वे,वो)
कामगर्दा ध्यान दिनुहोला आलोचकहरु बढ्नेछन् । व्यापारमा समय दिएपनि न्यून आम्दानीमा चित्त बुझाउनु पर्नेछ ।
व्यापारकै शिलशीलामा कष्टकर यात्रा नहोला भन्न सकिन्न । साथीभाई तथा जीवन साथीको सहयोग नपाईदा कामहरु बिचमा नै छोड्नु पर्ने हुन सक्छ । तर पनि प्रेममा सामिप्यता बढेर जानेछ । अध्ययनमा प्रविधिको प्रयोग गरि निरन्तरता दिन सकिनेछ ।
मिथुन (का,की,कू,घ,ङ,छ,के,को,हा)
अदालत तथा न्यायिक निकायबाट हुने निर्णयहरु तपाईको बिपक्षमा आउने हुनाले कुनै पनि मुद्दा मामिलामा सामेल नहुनु होला ।
स्वास्थ्य सम्बन्धी समस्या आउने हुनाले खानपानमा ध्यान दिनुहोला । तर पनि अध्ययन अध्यापनमा मन जाने हुँनादे नतिजा आफैतिर ल्याउन सकिनेछ । आफन्त तथा मावली पक्षबाट सहयोग पाईने योग रहेको छ ।
कर्कट (ही,हू,हे,हो,डा,डी,डु,डे,डो)
पढाई लेखाईमा मन जाने हुनाले नतिजा आफैतिर ल्याउन सकिनेछ । चिठ्ठा पर्ने तथा उपहार प्राप्तीको गतिलो योग रहेको छ ।
माया प्रेममा नजिक हुने तथा मायाको डोरो कसिलो भएर जानेछ । सामाजिक काम गरी नाम तथा दाम दुबै कमाउन सकिनेछ । आफन्त तथा छोराछोरीको प्रगतीमा मन प्रशन्न हुनेछ ।
सिहं (मा,मी,मू,मे,मो,टा,टी,टू,टे)
आफन्तहरु टाडिने तथा पतीपत्नीबीच सामान्य मनमुटावको सिर्जना हुनेछ । राजनीति तथा समाजसेवामा समय लगानी गर्नेहरुका लागि समय मध्यम भएकोले जनताबाट आलोचनात्मक समर्थन पाईनेछ ।
व्यापार व्यवसायमा नाफा कमाउन निकै नै समय खर्चनु पर्नेछ भने आधुनिक कृषि तथा पशुपालन व्यवसायलाई समय सापेक्ष आधुनिकिकरण गरी प्रशस्त रुपैयाँ पैसा कमाउन सकिनेछ ।
कन्या (टो,पा,पी,पू,ष,ण,ठ,पे,पो)
दाजुभाई,आफन्त तथा छिमेकीसँगको सम्बन्धमा चिसोपनाको विकास हुनेछ । यात्रा गर्दा ध्यान दिनुहोला समय मध्यम रहेको छ ।
लेखन तथा साहित्यमा बाँकी रहेको काम थाती रहनेछ । व्यापारमा लगानीको अभावले आम्दानीमा कमि हुनेछ ।
प्रेममा रमाउन चाहनेहरुका लागि समय मध्यमय रहेको छ । तर पनि सामाजिक सञ्जाल तथा प्रविधिको प्रयोग मार्फत आफ्ना विचारहरु जनमानसमा लैजान सकिनेछ ।
तुला (रा,री,रु,रे,रो,ता,ती,तू,ते)
धन भावमा गोचर गर्ने शुभ चन्द्रमाले व्यापार व्यवसायमा सामान्य वृद्धि हुनेछ । आफ्ना भनाईहरु जनमानसमा लैजान सकिने तथा बोलेरै धन आर्जन गर्न सकिनेछ ।
आफन्त तथा कुटुम्बका साथ रमाईलो यात्रा गर्दै मिष्ठान्न भोजन ग्रहण गर्ने अवसर प्राप्त हुनेछ । प्रेममा रमाउने चाहनेहरुका लागि समय फलदायी रहनेछ ।
वृश्चिक (तो,ना,नी,नू,ने,नो,या,यी,यू)
ढिला सुस्ति तथा मनमा अशान्तिले दैनिक कामहरु प्रभावित हुनेछन् । व्यापारमा लगानी गरे पनि न्यून प्रतिफल प्राप्त हुनेछ ।
पुर्ख्यौली सम्पत्ती तथा भौतिक सम्पत्तीमा बिवाद हुन सक्छ । तरपनि प्रेममा सफलता हातलागि हुने तथा प्रेमिल जोडीहरुले आफ्नो सम्बन्धलाई विवाहमा परिणत गर्ने सहमति जुट्नेछ ।
धनु (ये,यो,भा,भी,भू,ध,फा,ढा,भे)
खानपानमा ध्यान दिनुहोला सामान्य स्वास्थ्य सम्बन्धी समस्या आउन सक्छ । खर्च बढे पनि उपलब्धी मुलक कामहरु हुनेछन् ।
समयमा कामहरु फत्ते गरी नाम तथा दाम दुबै कमाउन सकिनेछ । प्रेममा रमाउन चाहनेहरुका लागि समय उत्तम रहेको छ ।
काम वा अध्ययनको शिलशीलामा विदेशी भूमिमा हुनुहुन्छ भने सरसफाईमा विशेष ध्यान दिनुहोला ।
मकर (भो,जा,जी,जू,जे,जो,ख,खी,खू,खे,खो,गा,गी)
स्रोत साधन जुट्नाले कार्यक्षेत्रमा राम्रा काम गरी नाम कमाउन सकिनेछ । लामो समयदेखि रोकिएर बसेका कामहरु सम्पादन हुने तथा कार्य क्षेत्रमा नयाँ जिम्मेवारी थपिनेछ । व्यापार व्यवसायमा सामान्य वृद्धि हुनेछ ।
अध्ययनमा सुधार हुने तथा भनेजस्तो नतिजा हात पार्न सकिनेछ । माया प्रेममा रमाउन चाहनेहरुका लागि समय उत्तम रहेको छ ।
कुम्भ (गू,गे,गो,सा,सी,सू,से,सो,दा)
व्यापारमा हुने न्यून कमाईले दैनिकी व्यवस्थापन गर्न हम्मे पर्नेछ । राजनीति तथा समाजसेवामा जनताको आलोचनात्मक समर्थन प्राप्त हुने तथा कार्यक्षेत्रमा खुट्टा तान्नेहरु हाबी हुनेछन् । भौतिक साधन स्रोतको प्रयोग गर्दा ध्यान दिनुहोला ।
बुवा तथा बुवासरहका मानिससँग बिवाद बढ्ने योग रहेको छ । तर पनि प्रविधिको सहयोगले अध्ययनलाई निरन्तरता दिन सकिनेछ ।
मीन (दी,दू,थ,झ,ञ,दे,दो,चा,ची)
राम्रा तथा परिणाममुखि काम गरी अरुको मन जित्न सकिनेछ । आर्थिक समस्या हल भएर जानेछ भने व्यापारमा वृद्धि हुनेछ ।
खोज तथा अनुसन्धानको क्षेत्रमा समय लगानी गर्नेहरुले सफलता हात लगाउन सकिनेछ । धार्मिक कार्यमा मन जानेछ । माया प्रेममा नजिक भई आफ्ना भावना साटासाट गर्न सकिनेछ ।
तपाईको दिन शुभ रहोस् ।
ज्योतिषी दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया