काठमाडौं । वि.सं. २०७७ आषाढ २४ गते । बुधवार । इ.स.२०२० जुलाई ०८ तारिक । शकसंवत् १९४२ । प्रमादी संवत्सर । उत्तरायण ।
ग्रीष्म ऋतु । ने.सं. ११४० बछलागा । श्रावण कृष्णपक्ष । तिथी– तृतीया,०९ बजेर २१ मिनेट उप्रान्त चतुर्थी । नक्षत्र– धनिष्ठा,२६ बजेर ०४ मिनेट उप्रान्त शतभिषा । योग प्रिती,२१ बजेर ३२ मिनेट उप्रान्त आयुष्मान ।
करण– भद्रा,०९ बजेर २१ मिनेट उप्रान्त बव,२१ बजेर ४० मिनेट उप्रान्त बालव । आनन्दादिमा–मित्र योग ।
चन्द्रराशि–मकर,१३ बजेर २१ मिनेट उप्रान्त कुम्भ । काठमाडौंमा सूर्योदय ५ बजेर १५ मिनेटमा, सूर्यास्त १९ बजेर ०१ मिनेटमा । दिनमान ३४ घडी २३ पला । धनिष्ठा पञ्चक आरम्भ । कृष्ण प्रणामी श्रीप्राणनाथजीको धाम गमन।
मेष (चू,चे,चो,ला,लि,लू,ले,लो,अ)
तारिफ योग्य काम गरी नाम कमाउन सकिनेछ । राजनीति तथा समाजसेवामा जनताको समर्थन पाईने हुनाले पद प्राप्तीको योग रहेको छ ।
पैत्रिक स्रोत साधनको प्रयोग मार्फत आम्दानी बढाउन सकिनेछ भने कृषि पशुपालन व्यवसाय फस्टाएर जानेछ । प्रेमील जोडीहरुका लागि समय उत्तम रहेको छ ।
वृष (ई,ऊ,ए,ओ,वा,वी,वू,वे,वो)
धार्मिक प्रतिष्ठान तथा मन्दिर तिरको यात्राको तय गर्न सकिनेछ । सरकारी तथा प्रशासनिक काममा सम्मानजनक उपस्थिती रहनेछ ।
परिवारजनको सहयोगले नयाँ योजनाहरु बनाउन सकिनेछ । खोज तथा अनुसन्धानको क्षेत्रमा सकारात्मक नतिजा हात लाग्नेछ भने अध्यानमा प्रगती भएर जानेछ ।
मिथुन (का,की,कू,घ,ङ,छ,के,को,हा)
समय मध्यम रहेकोले परिश्रमको फल ढिला प्राप्त हुनेछ । सामान्य कुरामा अलमलिदा उपलब्धिमुलक कामहरु गुम्नसक्छ ।
भौतिक सम्पत्ती तथा सवारी साधनको प्रयोग गर्दा दुर्घटना हुन सक्छ ध्यान दिनुहोला ।
मध्यान्हबाट समय राम्रो रहेकोले धर्म संस्कृतिको जगेर्ना गर्ने काममा समय व्यतित हुनेछ । कृषि क्षेत्रमा समय लगानी गर्ने समय रहेको छ ।
कर्कट (ही,हू,हे,हो,डा,डी,डु,डे,डो)
अध्ययन,लेखन,कलासाहित्य तथा गीत संगीतमा चासो बढ्नेछ भने तपाईको प्रतिभाको उच्च कदर हुनेछ । प्रेम सम्बन्धमा विस्वासको वातावरण बढ्नेछ ।
भौतिक साधनहरु जुट्नेछन् प्रविधिको प्रयोग मार्फत मनग्गे धन आर्जन गर्न सकिनेछ । मध्यान्हबाट समय मध्ययम रहेकोले भौतिक स्रोत साधनको प्रयोग गर्दा ध्यान दिनुहोला ।
सिहं (मा,मी,मू,मे,मो,टा,टी,टू,टे)
प्रियजन भेट हुनुको साथै आधित्यपूर्ण सम्मान पाईनेछ । पढ्ने लेख्ने काममा सफलता हात पार्न सकिनेछ ।
वादविवाद तथा न्यायिक निर्णयहरु तपाईकै पक्षमा हुनेछन् । नोकरीमा पदोन्नती तथा सुगम स्थानमा स्थानान्तरणको गतिलो योग रहेको छ । खर्च बढे पनि उपलब्धी मुलक कामहरु हुनेछन् ।
कन्या (टो,पा,पी,पू,ष,ण,ठ,पे,पो)
सन्तान तथा परिवारका सदस्यबाट सहयोग पाईनेछ । नाफामुलक व्यवसाय भन्दा सेवामुलक व्यवसाय फस्टाएर जानेछ ।
अध्ययनमा ध्यान जादा वौद्धिक क्षेत्र फराकिलो हुनेछ । प्रयन्न गरेका कामहरु सजिलै सम्पादन हुनेछन् । महंगो उपहार तथा भौतिक सम्पत्ती प्राप्त हुनेछ । अदालती निर्णयहरु तपाईकै पक्षमा सम्पादन हुनेछन् ।
तुला (रा,री,रु,रे,रो,ता,ती,तू,ते)
राजनीति तथा सामाजिक काममा हतारमा निर्णय गर्दा आलोचना हुनेछ । अन्य व्यापार व्यवसायमा मन्दी आउने भएपनि कृषि तथा पशुपालन व्यवसाय फस्टाएर जानेछ ।
मध्यान्हबाट समय राम्रो रहेकोले प्रविधिको प्रयोग गरि अध्ययनलाई निरन्तरता दिन सकिनेछ । सन्तान तथा अनुयायीको सहयोगले राम्रा काम गर्न सकिनेछ ।
वृश्चिक (तो,ना,नी,नू,ने,नो,या,यी,यू)
खेदकुद तथा पराक्रमी क्रिर्याकलापमा भाग लिनेहरुका लागि समयले साथ दिनेछ भने चाहेको उपलब्धी हासिल गर्न सकिनेछ ।
अध्ययनमा मन जानेछ भने नतिजा आफैतिर ल्याउन सकिनेछ । दाजुभाई तथा छिमेकीको साथ पाईनेछ ।
लेखन तथा साहित्यमा रुची बड्नेछ । मध्यान्हबाट समय मध्यम रहेकोले आमा तथा आफन्तसँग मनमुटाव बढ्ने योग रहेको छ ।
धनु (ये,यो,भा,भी,भू,ध,फा,ढा,भे)
व्यापार व्यवसायबाट सामान्य वृद्धि हुनेछ । विभिन्न अवसरको सदुपयोग गर्दै मनग्गे भनेजस्तो लाभ लिन सकिनेछ ।
आफन्त तथा कुटुम्बसँगको बसाईमा मिष्ठान्न भोजन ग्रहण गर्ने अवसर जुर्नेछ । अध्ययनमा तपाईको नाम अग्र स्थानमा आउनेछ भने माया प्रेममा सामिप्यता बढेर जानेछ ।
मकर (भो,जा,जी,जू,जे,जो,ख,खी,खू,खे,खो,गा,गी)
अवसरहरुको सदुपयोग गर्दै राम्रा तथा उपलब्धी मुलक कामहरु गर्न सकिनेछ । व्पापार व्यवसायमा सामान्य वृद्धि हुनेछ ।
राजनीतिमा समय लगानी गर्नेहरुले पद पाउने तथा ईज्जत प्रतिष्ठा जोड्न सक्नेछन् । पढाई लेखाईमा मन जानेछ भने प्रविधिको सहयोग लिन सकिनेछ । प्रणय सम्बन्ध थप बलियो बन्नेछ ।
कुम्भ (गू,गे,गो,सा,सी,सू,से,सो,दा)
दैनिक खर्च बढ्ने तथा भैपरि आउने समस्याले सताउनेछ । स्वास्थ्य सम्बन्धी समस्या बढ्ने तथा उपचार खर्च बढ्ने योग रहेको छ ।
सापट लगिएका रकम नउठ्नाले दैनिकी असहज हुनेछ । मध्यान्हबाट समय राम्रो रहेकोले अध्ययनमा मन जाने तथा नतिजा आफैँतिर ल्याउन सकिनेछ । राननीति तथा समाजसेवामा रुचि बढ्ने तथा मान सम्मान बढ्नेछ ।
मीन (दी,दू,थ,झ,ञ,दे,दो,चा,ची)
पैत्रिक तथा प्राकृतिक स्रोत साधनको प्रयोग मार्फत आम्दानी बढाउन सकिनेछ । आफन्त तथा घरपरिवारका ईच्छा आकांक्षाहरु पुरा गर्न सकिनेछ ।
माया प्रेमको डोरो कसिलो भएर जानेछ भने पति पत्नीको सहयोग पाईने हुनाले राम्रा काम गर्न सकिनेछ । राजनीति तथा समाजसेवामा समय लगानी गर्नेहरुका लागि समय उत्तम रहेको छ । साझको समय मध्यम रहेकोले खानपान तथा सरसफाईमा ध्यान दिनुहोला ।
तपाईको दिन शुभ रहोस् ।
ज्योतिषी दुर्गा भण्डारी ।
यो खबर पढेर तपाईलाई कस्तो महसुस भयो ?
प्रतिक्रिया