लकडाउनमा गाँजा तान्न नपाएपछि यी व्यक्तिले निले चक्कु !

काठमाडौं । नशाले कस्तोसम्म बनाउन सक्छ भन्ने कुरा भारतको यो घटनाबाट स्पष्ट हुन्छ । भारतको हरियाणमा बस्ने एक व्यक्ति पछिल्लो पाँच वर्ष यता लगातार नशा लिने गर्दथे । तर जब कोरोनाको महामारीले भारतमा लकडाउन शुरु भयो तब उक्त व्यक्तिले गाँजा पाउन छोडे ।

उनले गाँजा नपाएपछि हैरान भएर तलतल मेट्नको लागि चक्कु नै निलेका छन् । जब स्वास्थ्यमा समस्इा आएपछि उनको सिटी स्क्यान गरियो तब सबै हैरान भए । उनको सर्जरी गर्दा चक्कु देखियो ।

उक्त व्यक्तिको उमेर २८ वर्षको रहेको भारतीय सञ्चारमाध्यमहरुले बताएका छन् । उक्त व्यक्ति गाँजाको लतका कारण साइकोसिसको बिरामी थिए । २० सेन्टीमिटरको चक्कु निलेपछि डाक्टर नै हैरान भएका छन् ।

चक्कु भोजन नलीबाट हुँदै आमाशयसम्म पुगेको डाक्टरहरुले बताएका छन् । डाक्टरहरुले सर्जरी गरेर ५०० मिलिमिटर छातीमा जमेको पानी निकालेका थिए ।

अहिले उनको स्वास्थ्य कमजोर बनेको भारतीय सञ्चारमाध्यमहरुले बताएका छन् ।

एजेन्सीको सहयोगमा