आफैँले पालेको कुखुराको आक्रमणबाट एक वृद्धाको मृत्यु

काठमाडौं । अस्ट्रेलियामा कुखुराको भालेले ठुंगेर एक वृद्धा महिलाको मृत्यु भएको छ । आफैँले पालेको कुखुराको आक्रमणबाट वृद्धाको मृत्यु भएको अस्ट्रेलियाका प्रहरीले जनाएका छन् । दक्षिण अस्ट्रेलियास्थित आफ्नै घर पछाडि ती महिलाको सानो खोरमा कुखुरा पालन गरेकी थिइन् ।

महिला कुखुराको अन्डा संकलन गर्नको लागि खोर गएकी थिइन् । त्यहीबेला भालेले महिलालाई आक्रमण गरेको हो । भालेको आक्रमणबाट वृद्धाको शरीरबाट अत्याधिक रगत बगेपछि उनको निधन भएको प्रहरीले जनाएका छन् । कुखुराहरु प्राय अहिंस्रक मानिन्छन् ।

भालेचाँही कहिलेकाँही आक्रमक हुने गर्दछ। प्रहरीले यस घटनालाई अनौठो घटना जनाएको छ ।

• एजेन्सी