बलिउडमा थपियो शोक, अभिनेत्री नरगिस रबाडीको निधन

मुम्बई – अभिनेत्री श्रीदेवीको निधनको पीडा सेलाउन नपाउदै बलिउडमा अर्की एक अभिनेत्रीको पनि निधन भएको छ । अभिनेत्री नरगिस रबाडीको निधन भएको हो ।‘देश भाइ देख’ जस्ता केही चर्चित सोमा काम गरेकी अभिनेत्री नरगिस बलिउडमा शम्मी आन्टीको नामले परिचिति थिइन् । ८९बर्षकी नरगिस पछिल्लो समय फराहा खान र बोमन इरानीको चलचित्र ‘शीरी फरहाद की तो निकल पडी’मा देखिएकी थिइन् ।अभिनेता अमिताभ बच्चनले एक ट्वीट गर्दै अभिनेत्री नरगिसको निधनमा दुःख ब्यक्त गरेका छन् । ‘शम्मी आन्टी एकदमै राम्रो अभिनेत्री थिइन्’ बच्चनले अगाडि लेखेका छन् ‘बलिउडमा उनले ठुलो योगदान गरेर बिदा भइन् ।’नरगिस केही बर्ष देखि बिमारी समेत रहेकी थिइन् । नरगिसले २०० बढी चलचित्र, सिरियल र रियालटी सोमा समेत काम गरेकी छन् । ‘मल्हार’ चलचित्रमा शम्मी आन्टीको भुमिका निर्बाह गरेपछि बलिउडमा उनलाई यो नामले बोलाउन थालिएको थियो ।