तेल ट्याङ्करमा आगलागी, दुईको मृत्यु, ३० पसल जले

अफगानिस्तान, २२ फागुन – अफगानिस्तानका नान्र्गाहार प्रान्तको प्रान्तीय राजधानी जलालाबादमा मङ्गलबार बिहान तेल बोकेको एक ट्याङ्करमा आगलागी हुँदा कम्तीमा दुई व्यक्तिको मृत्यु हुनुका साथै अन्य दुई घाइते भएका छन् ।प्रान्तीय सरकारका प्रवक्ता आत्ताउल्लाह खोगीआनीले सो जानकारी दिनुभएको छ । स्थानीय समयानुसार मङ्गलबार बिहान ७ बजे सो घटना भएको जनाइएको छ ।प्रारम्भिक अनुसन्धानमा आतङ्ककारी समूहले बारुदी सुरुङ्ग राख्न लागिरहेका समयमा उक्त सुरुङ्ग अकस्मात विस्फोट हुदाँ यो दुर्घटना भएको जनाइएको छ ।यस तेल ट्याङ्कर आगलागीका कारण नजिकै रहेका ३० वटा पसल पनि जलेको बताइएको छ ।यस दुर्घटनाको अनुसन्धान शुरु गरिएको सरकारी अधिकारीहरूले जानकारी दिएका छन् ।