पुष्पका लागि मंगलम कति महत्त्वपूर्ण?

काठमाडौं, २३ फागुन – यतिबेला चलचित्र मंगलम् चर्चामा छ । चर्चामा यस कारण छ कि, यो फिल्मले प्रचारमा लामै समय खर्चेको छ । फिल्ममा अभिनेता पुष्प खड्का छन् भने अभिनेत्रीमा छिन् शिल्पा ।प्रचारका लागि देश दौडाहामा लागेको सिनेमाले सबैभन्दा धेरै फाइदा जसलाई पुराए पनि घाटा पुर्‍यायो भने को अझै फ्लप सूचीमा पर्न सक्छ भन्ने अर्को पक्ष रहन्छ । केही समय अघि रिलिज भएको चलचित्र ‘दर्पण छायाँ २’ ले न लगानी उठाउन सक्यो, न त कलाकारलाई स्टार बनाइदिन नै सक्यो । पुष्प पनि यही फिल्मबाट आशा सहित फिल्ममा होमिए ।तर उनलाई फिल्मले सोचजस्तो सफलता दिन सकेन । अहिले भने अभिनेता पुष्प नयाँ चलचित्रको प्रतीक्षामा छन् । फिल्म चल्यो भने उनको करियरमा बलियो इट्टा थपिनेछ । यदि चलेन भने?पक्कै पनि चलचित्र ‘मंगलम’ पुष्पलका लागि महत्त्वपूर्ण फिल्म हो । यो फिल्मले उनको फिल्मी यात्राको दूरी तोक्नेछ । किनकि उनका दुई फिल्म असफल भइसकेका छन् ।यदि मंगलम् चल्यो भने उनको सफल हिरो हुने सपना पूरा हुन सक्ला । होइन भने उनी फेरि म्युजिक भिडियोमै सीमित हुनेछन् ।